നിഫ്റ്റിൽ പഠിക്കാം

ഫാഷൻ ടെക്നോളജി, ഡിസൈൻ, മാനേജ്മെന്റ്

- വിജി കെ.

യുവതയുടെ ഹരമാണ് ഫാഷൻ. ഫാഷൻ ലോകത്ത് മികച്ച കരിയർ കണ്ടെത്തുന്നതിന് സഹായകമായ പാഠ്യപദ്ധതിയാണ് ഫാഷൻ ടെക്നോളജിയും ഫാഷൻ ഡിസൈനുമൊക്കെ. ബിരുദ-ബിരുദാനന്തര ബിരുദ, ഗവേഷണ പഠനാവസരങ്ങൾ ഈ മേഖലയിലുണ്ട്. ഫാഷൻ ടെക്നോളജി, ഡിസൈൻ, മാനേജ്മെന്റ് മേഖലകളിൽ ഗുണമേന്മയോടു കൂടിയ ഉന്നത വിദ്യാഭ്യാസ-ഗവേഷണ പഠനാവസരങ്ങളൊരുക്കുന്ന ലോകോത്തര നിലവാരമുള്ള മുൻനിര സ്ഥാപനമാണ് നാഷനൽ ഇൻസ്റ്റിറ്റ്യൂട്ട് ഓഫ് ഫാഷൻ ടെക്നോളജി അഥവാ നിഫ്റ്റ്. ഇവിടെ 2025 വർഷത്തെ ബിരുദം (യു.ജി), ബിരുദാനന്തരബിരുദം (പി.ജി), പിഎച്ച്.ഡി പ്രോഗ്രാമുകളിലേക്കുള്ള പ്രവേശന പരീക്ഷ (നിഫ്റ്റി-2025)ക്ക് ഇപ്പോൾ അപേക്ഷിക്കാം. നാഷനൽ ടെസ്റ്റിങ് ഏജൻസിയാണ് നടത്തിപ്പുകാർ.

യു.ജി പ്രോഗ്രാമുകളിൽ ബാച്ചിലർ ഓഫ് ഡിസൈൻ (ബി.ഡെസ്), ബാച്ചിലർ ഓഫ് ഫാഷൻ ടെക്നോളജി (ബി.എഫ്.ടെക്) എന്നിവയിലും പി.ജി പ്രോഗ്രാമുകളിൽ മാസ്റ്റർ ഓഫ് ഡിസൈൻ (എം.ഡെസ്), മാസ്റ്റർ ഓഫ് ഫാഷൻ മാനേജ്മെന്റ് (എം.എഫ്.എം), മാസ്റ്റർ ഓഫ് ഫാഷൻ ടെക്നോളജി (എം.എഫ്.ടെക്) എന്നിവയിലുമാണ് പ്രവേശനം. പ്രവേശന പരീക്ഷ: ബി.ഡെസ്, എം.ഡ സ് കോഴ്സുകളിൽ പ്രവേശനത്തിന്ജ നറൽ എബിലിറ്റി ടെസ്റ്റ് (ഗാട്ട്), ക്രി യേറ്റിവ് എബിലിറ്റി ടെസ്റ്റ് (കാറ്റ്) എന്നിവയിൽ യോഗ്യത നേടണം.