எடப்பாடி பேட்டியை மடை மாற்றிவிட்டனர் இனி எந்தக் காலத்திலும் கூட்டணி கிடையாது: பா.ஜ.க.வுடன் ஒட்டும் இல்லை;உறவும் இல்லை

எடப்பாடி பேட்டியை திரித்துவிட்டனர்; பா.ஜ.க.வுடன் இனி எந்தக் காலத்திலும் ஒட்டும் இல்லை, உறவும் இல்லை என்று அ.தி.மு.க. முன்னாள் அமைச்சர் ஜெயக்குமார் தெரிவித்துள்ளார்.

தமிழ்நாட்டில் 2026ஆம் ஆண்டில் மே மாதம் சட்டசபைத் தேர்தல் நடைபெறும். அதைச் சந்திக்க இப்போதே அரசியல் கட்சிகள் தயாராகி வருகின்றன.

இ.மு.க. ஏற்கனவே பாராளுமன்றத் தேர்தலில் அமைத்த குழுவை அப்படியே நீட்டித்துள்ளது. அது மட்டுமல்லாது தி.மு.க.வின் அனைத்து அமைப்புகளுடனும் அந்தக் குழு ஆலோசனை நடத்தி வருகின்றது. இப்படிப்பட்ட நிலையில் அ.தி.மு.க.வும் சட்டசபைத் தேர்தலில் எப்படியும் வென்றுவிட வேண்டும் என்ற முயற்சியில் இறங்கி உள்ளது. இதற்காக பலமான கூட்டணியை அமைக்க எடப்பாடி வியூகம் வகுத்து வருகிறார். இ.மு.க. அணியில் இடம்பிடித்துள்ள திருமாவளவனின் சமீபத் திய கருத்துகள் அரசியல் அரங்கில் சலசலப்பை ஏற்படுத்தியது. அவரது கட்சியின் மகளிர் அணி சார்பில் அக்டோபர் 2-ஆம் தேதி நடத்தப்பட்ட மது ஒழிப்பு மாநாட்டுக்கு அவர் அ.தி.மு.க.வுக்கு வாய்மொழியாக அழைப்பு விடுத்த சம்பவமும், ஆட்சி அதிகாரத்தில் பங்கு வேண்டும் என்று கூறிய கருத்தும் பெரும் பரபரப்பை ஏற்படுத்தியது.

அட்சி அதிகாரத்தில் பங்கு என்ற கருத்துக்கு காங்கிரசும் ஆதரவு தெரிவித்தது. இதனால் தி.மு.க. கூட்டணியில் சலசலப்பு ஏற்பட்டு விட்டதாக எடப்பாடி பழனிசாமி கூறி வருகிறார். இந்தக் கட்சிகளை அடுத்தத் தேர்தலில் கூட்டணிக்குள் இழுத்து விட வேண்டும் என்ற முனைப்பில் தி.மு.க.வைத் தவிர அதன் கூட்டணியில் உள்ள மற்ற கட்சிகளை விமர்சிக்க என அ.தி.மு.க.வினர் தி.மு.க.வினருக்கு எடப்பாடி பழனிசாமி சமீபத்தில் அறிவுரை வழங்கினார் என்பது குறிப்பிடத்தக்கது.