சீரான அணுகுமுறை தேவை: மாநிலங்களுக்கான வரிப் பகிர்வை 50 சதவீதமாக உயர்த்த வேண்டும்!

வரிப் பகிர்வில் சீரான அணுகுமுறை தேவை என்றும், எனவே மாநிலங்களுக்கு நடப்பது 50 சதவீதமாக உயர்த்த வேண்டும் எனவும் மத்திய நிதி ஆணையக் குழுவிடம் முதலமைச்சர் மு.க.ஸ்டாலின் வலியுறுத்தினார்.

மத்திய, மாநில அரசுகளுக்கு இடையே நிதியை பகிர்ந்தளிக்க மத்திய அரசு நிதிக்கமிஷன் அமைக்கப்பட்டுள்ளது. உயரிய அதிகாரம் படைத்த நிதிக்கமிஷன் அதிகாரிகள் 5 ஆண்டுகளுக்கு ஒருமுறை மாநிலங்களுக்கு சென்று ஆய்வு நடத்தி அந்த அரசுகளுடன் ஆலோசனை நடத்தி வருகின்றனர்.

அந்த அடிப்படையில் தற்போதுதலைவர் அர்விந்த் பனகாரியா தலைமையிலான 16-ஆவது நிதிக்கமிஷன் குழு நேற்று தமிழகம் வந்துள்ளது. இக்குழுவில் அஜய் நாராயண் ஜா, ஆனி ஜார்ஜ் மேத்யூ, மனோஜ் பாண்டா, சவுமியா கான்டி கோஷ், செயலாளர் ரித்விக் பாண்டே, இணை செயலாளர் ராகுல் ஜெயின் உட்பட 12 பேர் இடம் பெற்றுள்ளனர்.

வருகை தந்த அவர்கள்கிண்டியில் உள்ள பிரபல தனியார் ஓட்டலில் தங்கியிருந்தனர். அவர்களுக்கு நேற்று இரவு முதலமைச்சர் சிறப்பு விருந்தளித்தார். இந்த நிகழ்ச்சியில் துணை முதலமைச்சர் உதயநிதி ஸ்டாலின் மற்றும் அமைச்சர்கள் கலந்து கொண்டனர்.