சரக்குக் கப்பலில் பயணம் செய்த 2 தமிழக என்ஜினீயர் உள்பட 7 இந்தியர்கள் கடத்தல்!

ஆப்பிரிக்கக் கடற்கொள்ளையர்கள் அட்டூழியம்; பாதுகாப்பாக மீட்க குடும்பத்தினர் கோரிக்கை!!

சரக்குக் கப்பலில் பயணம் செய்த 2 தமிழக எஞ்சினீயர்கள் உட்பட 7 இந்திய மாலுமிகளை ஆப்பிரிக்க கடல் கொள்ளையர்கள் கடத்திச் சென்றார்கள். அவர்களிடமிருந்து நகை, பணம், செல்போன் போன்றவற்றை கொள்ளையடித்தனர். அவர்களை மீட்க வேண்டுமென குடும்பத்தினர் வேண்டுகோள் விடுத்துள்ளனர்.

உலகில் ஆசியாவுக்கு அடுத்தபடியாக 2-ஆவது பெரிய கண்டம் ஆப்பிரிக்கா ஆகும். இது இருண்ட கண்டம் என்றும் அழைக்கப்படுகிறது.

இந்தக் கண்டத்தில் ஏராளமான நாடுகள் உள்ளன. அவற்றில் தென் ஆப்பிரிக்கா உட்பட ஒரு சில நாடுகளைத் தவிர, பெரும்பாலான நாடுகள் ஏழ்மையில் உள்ளன. இங்கு பல நாடுகளில் சட்டத்தின் ஆட்சி நடப்பதே இல்லை.

கடலோர நாடுகளில் உள்ளவர்கள் கப்பல்களை கடத்திச் செல்வது வாடிக்கையாக உள்ளது. அந்த வகையில், ஆப்பிரிக்கக் கண்டத்தின் கிழக்குப் பகுதியில் அரபிக்கடலை ஒட்டியுள்ள சோமாலியா நாட்டில் ஏகப்பட்ட கடற்கொள்ளையர்கள் உள்ளனர்.