നീലപ്പട ഇന്ന് ഓറഞ്ചിനെതിരേ

പാക് ആക്രമണത്തെ അതിജീവിക്കാനായെങ്കിലും തിളങ്ങാതെ പോയ നീലപ്പടയിലെ മുൻനിര ബാറ്റർമാർ ഫോം വീണ്ടെടുക്കാനുള്ള അവസരമാണ് ഇന്നത്തെ മത്സരം.

സിഡ്നി: ട്വന്റി-20 ലോകകപ്പിലെ തങ്ങളുടെ ആദ്യമത്സരത്തിൽ ചിരവൈരികളായ പാകിസ്താനെ കീഴടക്കിയതിന്റെ ആവേശത്തിൽ ഇന്ത്യ ഇന്ന് സൂപ്പർ 12-ലെ രണ്ടാം മത്സരത്തിൽ നെതർലൻഡ്സിനെതിരേ മഴഭീഷണിക്കിടെ സിഡ്നി ക്രിക്കറ്റ് ഗ്രൗണ്ടിൽ ഉച്ചയ്ക്ക് 12.30 നാണു മത്സരം. പാക് ആക്രമണത്തെ അതിജീവിക്കാനായെങ്കിലും തിളങ്ങാതെ പോയ നീലപ്പടയിലെ മുൻനിര ബാറ്റർമാർ ഫോം വീണ്ടെടുക്കാനുള്ള അവസരമാണ് ഇന്നത്തെ മത്സരം. അതേസമയം, നഷ്ടപ്പെടാനൊന്നുമില്ലാത്ത കുട്ടി ക്രിക്കറ്റിലെ കുഞ്ഞന്മാരെ നിസാരമായി തള്ളിക്കളയാനും കഴിയില്ല. കരുത്തർക്കെതിരായ നിർണായക മത്സരങ്ങൾക്കു മുമ്പ് ടീമിൽ പരീക്ഷണത്തിനു രോഹിത് ശർമയും ടീം മാനേജ്മെന്റും മുതിരുമോയെന്നാണ് ഏവരും ഉറ്റുനോക്കുന്നത്.