અમદાવાદીઓ સાચવજો! ‘અખિયાં મિલાકે'ની સમસ્યાથી પીડાતા દર્દીઓમાં ઉછાળો

આંખમાં ખંજવાળ, પાણી નીકળવું, લાલ થવી, દુખાવો થવો, માથામાં દુખાવો વગેરે લક્ષણો ધરાવતા ‘આઈ સ્ટ્રેન’ના દર્દીઓમાં ઓચિંતો વધારો

અમદાવાદ, શનિવાર

હોળી-ધુળેટીના તહેવારોની ઉજવણી આડે હવે ગણતરીના દિવસો બાકી રહ્યા છે, પરંતુ આ ઉત્સવની પહેલાં શહેરમાં કંજંક્ટિવાઈટિસ એટલે કે ‘અખિયાં મિલાકે’ (આંખનો ચેપી રોગ)ના દર્દીઓની સંખ્યા સતત ભયજનક રીતે વધી રહી છે. દર વર્ષે મિશ્ર ઋતુની સિઝનમાં આ સમયગાળા દરમિયાન આવા કેસોની સંખ્યા વધે છે. હાલના સમયગાળામાં મસીનો પણ ખૂબ ઉપદ્રવ છે, જેના કારણે લોકો આંખને લગતી અનેક સમસ્યાનો સામનો કરી રહ્યા છે.