બાળકોમાં કેમ વધી રહી છે ‘હિંસક’ વૃત્તિઓ?

બાળકોના હિંસક વ્યવહારના ઘણાં કારણ હોઇ શકે છે. ભવિષ્યમાં તેનાં ગંભીર પરિણામો પણ જોવા મળી શકે છે. આ હિંસક વ્યવહાર મેડિકલ પ્રોબ્લેમ અને લાઇફ પ્રોબ્લેમ તરફ ઇશારો કરે છે

થોડા સમય પહેલાં એક બાળકે પોતાની માતાની એટલે હત્યા કરી કેમ કે તેની માતા તેને પબજી ગેમ રમવાથી રોકતી હતી. માતાને મારીને તે તેની લાશ પર સ્પ્રે છાંટતો રહ્યો કેમકે દુર્ગંધ ન આવે. બાળકના પિતા શહેરથી બહાર નોકરી કરતા હતા. જ્યારે દુર્ગંધ વધવા લાગી ત્યારે તેણે તેના પિતાને ફોન કરીને કહ્યું કે મેં માને મારી નાંખી છે.

નિષ્ણાતોનું કહેવું છે કે આ ગેમ્સની લતના કારણે બાળકો હિંસક બની રહ્યાં છે. પોતાની ભાવનાઓ પર કન્ટ્રોલ કરી શકતાં નથી. તેઓ સારા-ખોટાની ઓળખ કરી શકતા નથી. આ રમતોના નાયકોની એક્શન હંમેશાં હિંસાથી ભરેલી હોય છે. જ્યારે બાળકો સતત કોઇ ગેમ રમે છે ત્યારે તેમને તે રમવાની આદત પડી જાય છે.

આદતો સરળતાથી છૂટતી નથી. આવા સંજોગોમાં જે વ્યક્તિ તેમને રમત રમતાં રોકે છે, તે તેને કાં તો ખતમ કરી દે છે. કાં તો ખતમ કરવાનું વિચારે છે અને જો તેમ ન કરી શકે તો ખુદનો જીવ લઇ લે છે.