દારૂબંધીની ઐસીતૈસી: રૂ. ૧૭.૧૨ લાખનો દારૂ ભરેલુ ટેન્કર ઝડપાયું

વટવા વિસ્તારમાં બુટલેગર આખું ટેન્કર લઇને જવાનો હતો તે પહેલાં જ સ્ટેટ મોનિટરિંગ સેલે રેડ કરી

અમદાવાદ, શુક્રવાર

રાજ્યમાં દારૂ વેચવા પર પ્રતિબંધ હોવા છતાંય બુટલેગર રોજ કરોડો રૂપિયાનો દારૂ રાજસ્થાન, હરિયાણા, મહારાષ્ટ્ર, મધ્યપ્રદેશ તેમજ કેન્દ્ર શાસિત પ્રદેશ દિવ-દમણથી લાવી રહ્યા છે. કેટલાક ભ્રષ્ટ પોલીસ કર્મચારીની મીઠી નજર હેઠળ બુટલેગર્સ દારૂનો જથ્થો લાવવામાં સફળ થઇ જાય છે, પરંતુ સ્ટેટ મોનિટરિંગ સેલના અધિકારીની બાજ નજરથી આવા બુટલેગર બચી શકતા નથી. જેના કારણે રોજ લાખો રૂપિયાનો દારૂ ઝડપાય છે. ગઇ કાલે સ્ટેટ મોનિટરિંગ સેલની ટીમે વટવા વિસ્તારમાંથી ૧૭.૧૨ લાખનો દારૂનો જથ્થો ઝડપી પાડ્યો છે. ટેન્કરમાં દારૂનો જે જથ્થો આવી રહ્યો હતો તેને રતનપુર બોર્ડર પર ચેક કરવામાં આવ્યો નથી.