નિકોલ રિંગરોડ પર ટિફિન આપી ઘરે પરત ફરી રહેલા વૃદ્ધની છરીના ઘા ઝીંકીને હત્યા

હત્યા પાછળનું રહસ્ય અકબંધ, પોલીસે ભેદ ઉકેલવા માટે ચક્રો ગતિમાત કર્યાં

અમદાવાદ, સોમવાર

શહેરના નિકોલ વિસ્તારમાં ગઇ કાલે ટિફિન આપીને ઘરે પરત ફરી રહેલા વૃદ્ધની અજાણ્યા શખ્સોએ છરીના ઘા ઝીંકીને ઘાતકી હત્યા કરી નાખતાં સમગ્ર વિસ્તારમાં ચકચાર મચી ગઇ છે. વૃદ્ધ પર ચારથી વધુ છરીના ઘા ઝીંક્યા બાદ હત્યારા નાસી ગયા હતા જ્યારે તે લોહીથી લથબથ હાલતમાં એક કલાક સુધી રોડ પર તરફડિયાં મારી રહ્યા હતા. નિકોલ નજીક આવેલા એસપી રિંગરોડ પર વૃદ્ધની ઘાતકી હત્યા કરવામાં આવી છે જ્યારે પોલીસે સીસીટીવી ફૂટેજના આધારે હત્યારા સુધી પહોંચવા માટે તપાસ શરૂ કરી છે.