મેઘરાજાનો ત્રીજો રાઉન્ડઃ આ અઠવાડિયામાં રાજ્યમાં ભારેથી અતિભારે વરસાદ તૂટી પડશે

અમદાવાદમાં ૧૯-૨૦ જુલાઈએ ભારે વરસાદ પડવાની આગાહી

અમદાવાદ, સોમવાર

શહેર સહિત રાજ્યમાં વરસાદનું જોર હળવું પડ્યું છે. અમદાવાદમાં દિવસ દરમિયાન ક્યાંક વરસાદી ઝાપટાં પડી જાય છે, જોકે શહેરના નીચાણવાળા વિસ્તારોને જળબંબાકાર કરે તેવો ભારે વરસાદ પડતો ન હોઈ લોકોએ હાશકારો અનુભવ્યો છે, જોકે લોકોએ હવે વરસાદના ત્રીજા રાઉન્ડ માટે તૈયાર રહેવું પડશે. આ અઠવાડિયામાં રાજ્યમાં ભારેથી અતિભારે વરસાદ તૂટી પડશે તેવી આગાહી સ્થાનિક હવામાન વિભાગ દ્વારા કરાઈ છે.