ગેરકાયદે કોમર્શિયલ મકાનોને તાત્કાલિક તોડી પાડવાનો મ્યુનિસિપલ તંત્રનો આદેશ

ઓપરેશન ડિમોલિશન હેઠળ સવારનો રાઉન્ડ લેવાની તમામ એસ્ટેટ ઓફિસરને તાકીદ કરાઈ

અમદાવાદ, શુક્રવાર

શહેરમાં ગેરકાયદે બાંધકામોની સમસ્યા દિન-પ્રતિદિન વિકટ બનતી જાય છે. ગેરકાયદે બાંધકામો ૫૨ અંકુશ મૂકવા મ્યુનિ. કમિશનર એમ. થેન્નારસનના આદેશથી રોજેરોજ ઓપરેશન ડિમોલિશન હાથ ધરાઈ રહ્યું છે, જેમાં કોટ વિસ્તાર સહિતના મધ્ય ઝોનમાં તેમજ શહેરના અન્ય ઝોનમાં તંત્ર બેધડકપણે ગેરકાયદે બાંધકામ પર જેસીબી મશીન ચલાવીને તેને જમીનદોસ્ત કરી રહ્યું છે. જોકે મ્યુનિ. તંત્ર દ્વારા જે તે ગેરકાયદે કોમર્શિયલ બાંધકામને તાત્કાલિક રીતે તોડી પાડવાનો સંબંધિત અધિકારીઓને આદેશ અપાયો હોઈ અધિકારીઓમાં દોડધામ મચી છે.