મહારાષ્ટ્રને આજે મળશે નવા મુખ્યપ્રધાનઃ ફડણવીસના નામની કોઈ પણ ઘડીએ જાહેરાત શિંદે ડેપ્યુટી સીએમ

આઝાદ ૫ ડિસેમ્બરે સાંજના ૫.૦૦ વાગ્યે મુંબઈના મેદાનમાં ભવ્યાતિભવ્ય શપથ ગ્રહણ સમારોહ યોજાશે

મહારાષ્ટ્ર વિધાનસભા ચૂંટણીનાં પરિણામોના ૧૧ દિવસ બાદ આજે નવા મુખ્યપ્રધાનના નામની સત્તાવાર જાહેરાત થઈ શકે છે. આજે સવારે ભાજપ ધારાસભ્ય દળની બેઠક પણ મળશે, જેમાં ધારાસભ્ય દળના નેતાની પસંદગી કરવામાં આવશે. ગુજરાતના પૂર્વ મુખ્યપ્રધાન વિજય રૂપાણી અને કેન્દ્રીય નાણાપ્રધાન નિર્મલા સીતારામન આ બેઠકમાં નિરીક્ષક તરીકે હાજરી આપશે.

ભાજપના કેન્દ્રીય નિરીક્ષકો ભાજપના ધારાસભ્ય દળના નેતાની ચૂંટણી બાદ એકનાથ શિંદેને મળશે. તેમની હાજરીમાં સત્તા શેરિંગની અંતિમ ફોર્મ્યુલા પર ચર્ચા કરવામાં આવશે. ત્યાર બાદ નામાંકિત મુખ્યપ્રધાન અને બે નાયબ મુખ્યપ્રધાન રાજયપાલને મળશે અને બનાવવાનો દાવો રજૂ કરશે. ભવ્યાતિભવ્ય શપથ ગ્રહણ સમારોહ આવતી કાલે પ ડિસેમ્બરે સાંજના ૫.૦૦ વાગ્યે મુંબઈના આઝાદ મેદાનમાં યોજાશે.

સરકાર સૂત્રોનો દાવો છે કે મહાયુતિના ૩૧ નેતાઓ પ્રધાન તરીકે શપથ લઈ શકે છે, જેમાં ભાજપના સૌથી વધુ ૧૯, એનસીપીના સાત અને શિવસેનાના પાંચ ધારાસભ્યોનાં નામ આજે ફાઈનલ કરવામાં આવશે.