ઉત્તર ભારતમાં તાપમાનનો પારો ગગડ્યો: પહાડો બરફની ચાદરથી ઢંકાયા, માઈનસ તાપમાનમાં પ્રવાસીઓને મોજ પડી

હિમાચલ પ્રદેશ, ઉત્તરાખંડ અને જમ્મુ-કાશ્મીરતા પહાડી પ્રદેશોમાં ભારે હિમવર્ષાની આગાહી જારી

ડિસેમ્બર માસમાં તમામ પહાડી રાજ્યમાં મોસમનો મિજાજ બદલાઈ ગયો છે. પર્વતોમાં હિમવર્ષાને કારણે સમગ્ર દેશમાં હવામાન બદલાયું છે. દિલ્હીમાં ઠંડા પવનોને કારણે ઠંડી પડી રહી છે અને તાપમાન પણ ઘટી રહ્યું છે. જોકે પ્રદૂષણના સ્તરમાંથી થોડી રાહત મળી છે. દિલ્હીમાં આગામી દિવસોમાં પારો બેથી ત્રણ ડિગ્રી સુધી ગગડવાની સંભાવના છે. ઉત્તર પ્રદેશ, હરિયાણા, પંજાબ અને બિહારમાં પણ તાપમાન ગગડી રહ્યું છે. પહાડી રાજ્યના કેટલાક વિસ્તારોમાં તાપમાન શૂન્યથી નીચે નોંધાઈ રહ્યું છે. હિમાચલ પ્રદેશ, ઉત્તરાખંડ, જમ્મુ-કાશ્મીર સહિતનાં રાજયમાં ભારે હિમવર્ષા શરૂ થઈ ગઈ છે, જેના કારણે રસ્તાથી લઈને મકાન, વૃક્ષો,પહાડો પર બરફની ચાદર પથરાઈ ગઈ છે.