வீதிக்காக பாலத்தில் நின்று ஆர்ப்பாட்டம்

நுவரெலியா பிரதான வீதியிலிருந்து தலவாக்கலை, பெயாவெல் தோட்டத்திற்கு செல்லும் பிரதான வீதி, சுமார் 20 வருடங்களாக புனரமைக்கப்படாத காரணத்தினால் வீதி மிகவும் சேதமடைந்து காணப்படுவதாகவும் இதனை புனரமைத்து தருமாறு கோரியும் பொதுமக்களால் ஆர்ப்பாட்டம் ஒன்று முன்னெடுக்கப்பட்டது.

குறித்த வீதி மிகவும் குண்டும் குழியுமாக காணப்படுவதாலும் இத்தோட்டத்திற்கு செல்வதற்காக அமைக்கப்பட்ட பழைமை வாய்ந்த இரும்பு பாலம் ஒன்று காணப்படுகிறது.

இப்பாலம் 200 அடி நீளமும் மூன்று அடி அகலமும் கொண்டதாகும்.

பாலம் உக்கி நிலையில் காணப்படுவதோடு, ஆங்காங்கே உடைந்தும் காணப்படுகிறது.

இதனால் இத்தோட்டத்தை சார்ந்த 800க்கும் மேற்பட்ட பொதுமக்கள் பாலத்தை கடக்கும் போது உயிர் அச்சுறுத்தலோடு செல்கின்றனர்.