“சகல தரப்பினரும் அவதானம் செலுத்தவும்”

எதிர்வரும் காலங்களில் அதிகளவான சுற்றுலாப் பயணிகள் இலங்கைக்கு வருகை தர உள்ளதாக இதுவரை கிடைத்த தகவலின் அடிப்படையில் அவதானிக்க முடிகின்றது.

இவை இலங்கையின் பொருளாதாரத்தை வலுப்படுத்துவதுடன் இலங்கை தொடர்பாக வெளிநாட்டு பிரஜைகளின் மத்தியில் ஏற்படும் கெளரவம் மற்றும் நம்பிக்கையைக் கட்டியெழுப்புவதற்கான சிறந்தொரு சந்தர்ப்பமாகும். வெளிநாட்டு சுற்றுலாப் பயணிகளைக் கவரும் நாடாகவும், நமது நாட்டுக்கு வருகை தரும் சகல வெளிநாட்டுச் சுற்றுலா பயணிகளின் பாதுகாப்பு, அவர்கள் எதிர்பார்க்கும் மகிழ்ச்சி, கேளிக்கை அதே போன்று அறிவு ஆகியவற்றைச் சுதந்திரமாகப் பெற்றுக்கொள்வதற்கான தேவையான சூழலை உருவாக்கித்தருவது நாம் அனைவரினதும் பொறுப்பாகும்.