“தீர்க்கப்படாத பிரச்சினைகளை அனுர அரசாங்கம் தீர்க்கும்”

நாட்டில் நடந்து முடிந்த தேர்தல்களில் அனுரகுமார திசாநாயக்கவுக்கும் தேசிய மக்கள் சக்திக்கும் மூன்றில் இரண்டு பெரும்பான்மை கிடைத்திருக்கிறது.

இந்த சந்தர்ப்பத்தை பயன்படுத்தி இந்த நாட்டிலே தீர்க்கப்படாத பிரச்சினைகளைத் தீர்ப்பார்கள் என நாம் நம்புகின்றோம் என தமிழர் விடுதலைக் கூட்டணியின் தலைவர் அருண்மொழிவர்மன் தெரிவித்துள்ளார்.

தம்பிமுத்து தமிழர் விடுதலை கூட்டணியின் தலைவர் அருண்மொழிவர்மன் தம்பிமுத்துவின் ஊடக சந்திப்பு ஞாயிற்றுக்கிழமை (17) மட்டக்களப்பில் உள்ள அவரது அலுவலகத்தில் நடைபெற்றது. இதன்போது அவர் இக்கருத்தினை தெரிவித்தார்.

அவர் மேலும் குறிப்பிடுகையில், இலங்கையில் நடந்து முடிந்த பாராளுமன்ற பொதுத் தேர்தலில் தமிழர் விடுதலைக் கூட்டணியை ஆதரித்து வாக்களித்த அனைத்து மக்களுக்கும் எனது நன்றிகளைத் தெரிவித்துக்கொள்கின்றேன்.