ஜப்பான்: முதியோர் எண்ணிக்கையில் சாதனை

ஜப்பானில் இந்த ஆண்டு 65 வயதும் அதற்கு மேற்பட்ட வயதும் உடைய முதியோர்களின் எண்ணிக்கை 36.25 மில்லியன் என்னும் சாதனை அளவைத் தொட்டு உள்ளதாக அரசாங்கத் தரவுகள் தெரிவித்தன.

65 வயதும் அதற்கு மேற்பட்ட வயதும் உடைய 20.53 மில்லியன் பேர் பெண்களாகவும் 15.72 மில்லியன் பேர் ஆண்களாகவும் உள்ளனர் என்று ஜப்பானின் உள்நாட்டு விவகார, தொடர்புத் துறை அமைச்சு ஞாயிற்றுக்கிழமை (செப்டம்பர் 15) தெரிவித்தது.

வேகமாக மூப்படையும் உலக சமூகங்களில் ஜப்பானும் உள்ளது.

தற்போதைய நிலவரப்படி, ஜப்பானின் மொத்த மக்கள் தொகையில் 29.30 விழுக்காடு முதியோர்களாக உள்ளனர் என்று அமைச்சு கூறியது.