பல சமயத்தினர் பங்குபெற்ற ரத்த தான நிகழ்வில் அமைச்சர் கா.சண்முகம் - நல்லிணக்கத்துடன் திகழும் சிங்கப்பூரர்கள்

பல்லின, பல சமய மக்கள் வாழும் சிங்கப்பூரில் சமூக ஒற்றுமையை மேம்படுத்தும் நோக்கில் பலசமயத்தினர் ஒன்றிணைந்து ரத்த தானம் செய்யும் திட்டம் தொடர்பான யோசனை 2016ஆம் ஆண்டில் முன்வைக்கப்பட்டது.

இத்திட்டம் இன்றும் வெற்றி நடை போடுகிறது.

அக்டோபர் 30ஆம் தேதியன்று யூனோஸ் வட்டாரத்தில் உள்ள ஹார்ட் ஆஃப் காட் தேவாலயத்தில் பலசமயத்தினர் ஒன்றிணைந்து ரத்த தான நிகழ்வு நடைபெற்றது.

ஆறாவது முறையாக நடத்தப்பட்ட இத்திட்டத்தில் ரத்த தானம் செய்தவர்களில் பெரும்பாலானோர் இளையர்கள் என்பது குறிப்பிடத்தக்கது.

அவர்களில் ஆக இளையவர் 16 வயது குமாரி கிளேர் லியூங்.