போலி முகமூடி அணிந்து பழிவாங்குகிறார்: நடிகர் தனுஷ் மீது நயன்தாரா காரசாரப் புகார்

நடிகர் தனுஷ் தம்மை பழிவாங்கத் துடிப்பதாக நடிகை நயன் தாரா குற்றஞ்சாட்டியுள்ளார்.

இது தொடர்பாக வெளியிட்ட அறிக்கையில், பின்புலம் ஏதும் இல்லாமல் திரைத்துறைக்கு வந்து கடின உழைப்பாலும் அர்ப்பணிப்பாலும் தாம் இன்றைய நிலையை அடைந்ததாக அவர் குறிப்பிட்டுள்ளார்.

நெட்ஃபிளிக்ஸ் ஊடகத்துக்காக நயன்தாராவின் திருமண, தனிப்பட்ட வாழ்க்கை நிகழ்வுகளைத் தொகுத்து 'நயன்தாரா: பியான்ட் டு ஃபெய்ரி டேல்' என்ற ஆவணப்படம் உருவாக்கப்பட்டுள்ளது.

இந்த ஆவணப்படத்தில் நடிகர் தனுஷ் தயாரித்த ‘நானும் ரௌடிதான்’ படத்தின் காட்சிகள் சில நொடிகள் இடம்பெற்றுள்ளன என்றும் இதையடுத்து அக் காட்சிகளைப் பயன்படுத்த பத்து கோடி ரூபாய் அளிக்க வேண்டும் என்று தனுஷ் கோரியுள்ளார் என்றும் கூறப்படுகிறது.

இதனால் கடும் கோபம் அடைந்துள்ள நயன்தாரா, "கீழ்த் தரமான இந்தச் செயல், ஒரு மனிதராக தனுஷ் எப்படிப்பட்டவர் என்பதை வெளிச்சம் போட்டுக் காட்டுகிறது" எனக் குறிப்பிட்டுள்ளார்.

"உங்களது தொடர்ச்சியான பழிவாங்கும் நடவடிக்கைகளால் நானும் எனது கணவரும் மற்றும் ஆவணப்படப் பணிகளில் பங்காற்றிய ஒவ்வொருவரும் பாதிக்கப்பட்டிருக்கிறோம்.