அமெரிக்க அதிபர் ஜோ பைடனின் நினைவாற்றல் குறித்து விமர்சனம் 'ராகுல் மன்னிப்பு கோர வேண்டும்’

அமெரிக்க அதிபர் ஜோ பைடனை நினைவாற்றல் அற்றவர் என்ற கருத்துடன் மோடியை விமர்சித்ததற்கு ராகுல் காந்தி மன்னிப்பு கேட்க வேண்டும் என்று தேசிய மருத்துவர் அமைப்பு கோரியுள்ளது.

மகாராஷ்டிரா மாநிலம் அமராவதியில் கடந்த 16ம் தேதியில் நடைபெற்ற தேர்தல் பிரசாரத்தில் பங்கேற்ற காங்கிரஸ் மூத்த தலைவர் ராகுல் காந்தி, `அமெரிக்க அதிபர் ஜோ பைடனைப் போலவே பிரதமர் மோடியும் நினைவாற்றல் இழப்பை அனுபவித்து வருவதாகத் தெரிகிறது’ என்று கூறியிருந்தார். இந்த நிலையில், ராகுலின் இந்த விமர்சனத்திற்கு எதிர்ப்பு தெரிவித்து அவரது தாயாரும், முன்னாள் காங்கிரஸ் தலைவருமான சோனியா காந்திக்கு தேசிய மருத்துவர் அமைப்பு (பாரத்) கடிதம் எழுதியுள்ளது.