வெற்றியைத் தொடரும் முனைப்பில் செல்சி, ஆர்சனல்

அண்மையில் சௌத்ஹேம்டன் குழுவை 5-1 என்ற கோல் கணக்கில் வீழ்த்திய செல்சி, தொடர் வெற்றியால் உற்சாகத்தில் உள்ளது. ஸ்பர்சுக்கு எதிரான ஆட்டத்திலும் செல்சி கோல் மழை பொழியும் என்று எதிர்பார்க்கப்படுகிறது. 

லண்டன்: இங்கிலி‌ஷ் பிரிமியர் லீக் காற்பந்து பரபரப்பான கட்டத்தில் உள்ளது.

அடுத்தடுத்து தோல்விகளைச் சந்தித்து வந்த மான்செஸ்டர் சிட்டி தற்போது மீண்டும் வெற்றிப் பாதைக்குத் திரும்பியுள்ளது. இதனால், புள்ளிப்பட்டியலில் முதல் நான்கு இடங்களைப் பிடிக்க அணிகள் இடையே கடுமையான போட்டி நிலவுகிறது.

இந்நிலையில், ஞாயிற்றுக்கிழமை இரவு நான்கு பிரிமியர் லீக் ஆட்டங்கள் நடக்கின்றன.

சிங்கப்பூர் நேரப்படி இரவு 10 மணிக்கு நடக்கும் ஆட்டத்தில் ஆர்சனல் குழுவும் ஃபுல்ஹம் குழுவும் மோதுகின்றன.