‘நகர்ப்புறப் புத்துயிர் திட்டங்கள் நீட்டிக்கப்பட வேண்டும்’

நகர மறுசீரமைப்பு ஆணையத்தின் இரண்டு நகர்ப்புற புத்துயிர் திட்டங்கள் நவம்பர் மாத இறுதியில் அதன் ஐந்து ஆண்டு தவணைக்காலத்தை எட்டியிருக்கிறது. இந்த நிலையில் பெரிய அளவிலான நகர்ப்புற புத்துயிர் திட்டங்கள் இன்னும் சீரமைக்கப்பட்டு நீட்டிக்கப்பட வேண்டும் என்று தொழில் துறை நிபுணர்கள் கூறியுள்ளனர்.

மத்திய வர்த்தக வட்டாரத்துக்கான புத்துயிர் திட்டமும் (சிபிடிஐ), உத்திப்பூர்வ மேம்பாட்டு ஊக்குவிப்பு திட்டமும் (எஸ்டிஐ) நவம்பர் 26ஆம் தேதியோடு ஐந்து ஆண்டு காலத்தை நெருங்கியது.

அவற்றை நகர மறுசீரமைப்பு ஆணையம் மறுபரிசீலனை செய்து வருகிறது.

இதற்கிடையே அலுவலக இடங்களுக்கான தேவை அதிகமாக இருப்பதால் தக்க தருணத்தில் திட்டங்கள் பரிசீலிக்கப்படுவதாக வல்லுநர்கள் கூறியுள்ளனர்.

இரண்டு திட்டங்களும் 2019ஆம் ஆண்டில் தொடங்கப்பட்டன.

மத்திய வர்த்தக வட்டாரத்தில் உள்ள பழைய மற்றும் முக்கியமாக அலுவலக மேம்பாடுகளை பயன்பாட்டு கட்டடங்களாக மாற்றுவது சிபிடிஐ திட்டத்தின் நோக்கமாகும்.