முதியோரை மகிழ்வித்து நலம் காக்கும் இளையர்கள்

நீ ஆன் பலதுறைத் தொழிற்கல்லூரியில் மருந்து உற்பத்தித் துறையில் பட்டம் பெற்ற ஷிவாகிரி நாதன் ஜெயன், 21, படித்துக்கொண்டிருந்தபோது இந்தத் திட்டத்தைப் பற்றித் தாம் கேள்விப்பட்டதாகக் கூறினார்.

ஏற்கெனவே பதிவுசெய்துள்ளீர்களா?

கொவிட்-19 பரவலின்போது செயல்படுத்தப்பட்ட கிருமிப்பரவலை முறியடிக்கும் திட்டம் ஒரு முடிவிற்கு வந்த நிலையில் முதியோர் பலருக்கு உதவி தேவைப்பட்டதை நினைவுகூர்ந்தார். அவர்களுக்குக் கைகொடுக்க எண்ணியதால் தம் நண்பர்களுடன் டிரைஜென் (Trigen) அமைப்பில் சேர்ந்தார்.

“எனக்கும் என் நண்பர்களுக்கும் அப்போது பள்ளி விடுமுறை. மருத்துவம் பற்றிப் பள்ளியில் கற்றதைப் பிறருக்குப் பயனளிக்கும் வகையில் பயன்படுத்த எண்ணியிருந்தோம். டிரைஜென், சுகாதாரத் துறையுடன் தொடர்புடைய தொண்டூழிய அமைப்பு என்பதால் அத்துறையைச் சேர்ந்த நாங்கள், எங்களது திறன்களை வளர்த்துக்கொள்ளும் வாய்ப்பையும் பெற்றோம்,” என்றார் தற்போது தேசிய சேவை ஆற்றிவரும் ஷிவா.

நண்பர்களுடன் தொண்டூழியத்தில் ஈடுபட்ட ஷிவா, 21, மூன்று ஆண்டுகளாக அதனைத் தொடர்ந்து செய்தார். - படம்: ஷிவாகிரி நாதன் ஜெயன்

ஓய்வு நேரங்களில் ஷிவா, லிவர்பூல் காற்பந்துக் குழு விளையாடுவதை ரசித்துப் பார்ப்பார். ‘எஃப்1’ கார் பந்தயம் மீதும் அவருக்கு ஆர்வமுண்டு. அவற்றுக்காக அவர் இரண்டு வாரங்களுக்கு ஒருமுறை சில மணி நேரந்தான் செலவு செய்கிறார்.

“தேர்வு நேரத்தில் மாதம் ஒருமுறை மட்டும் செல்வேன்,” என்கிறார் இவர்.