தஞ்சோங் பகார் குழுத்தொகுதியில் இருந்து விலகுங்கள்: சீர்திருத்த மக்கள் கூட்டணி

சீர்திருத்த மக்கள் கூட்டணி தஞ்சோங் பகார் குழுத்தொகுதியில் எதிர்வரும் பொதுத் தேர்தலில் தான் போட்டியிட உள்ளதாகவும் எனவே மற்ற எதிர்க்கட்சிகள் அந்தக் குழுத்தொகுதியிலிருந்து விலகி நிற்கும்படியும் கேட்டுக்கொண்டுள்ளது.

இது குறித்து ஞாயிற்றுக்கிழமை (மார்ச் 23ஆம் தேதி) தெலுக் பிளாங்கா ஈரச்சந்தை, உணவு அங்காடி நிலையத்தில் தொகுதி உலா சென்று குடியிருப்பாளர்களை சந்தித்துப் பேசிய சீர்திருத்த மக்கள் கூட்டணியின் தலைமைச் செயலாளர் லிம் தியன் மேற்கண்டவாறு பேசினார்.

ஆளும் மக்கள் செயல் கட்சியுடன் தமது கட்சி நேரடியாகப் போட்டியிடப் போவதாக திரு லிம் தியன் தெரிவித்துள்ளார்.