మియాపూర్ భూముల్లో మరో అలజడి

ఇళ్ల స్థలాల ఆశచూపి దండుకుంటున్న ముఠా.. జిల్లాల నుంచి వేలాదిగా తరలివచ్చిన పేదలు భారీగా పోలీసుల మొహరింపుతో ఉద్రిక్తత లాఠీచార్జ్ స్పందించని హెచ్ఎండిఎ.. సమస్య తీవ్రతరం

సైబరాబాద్ ప్రతినిధి, జూన్ 22 ప్రభాతవార్త: హైదరాబాద్ హైటెక్సిటీ సమీపంలోని మియాపూర్ ప్రభుత్వ భూముల్లో మరోమారు అలజడి మొదలైంది. నగర పరిసర ప్రాంతాల్లోని వివిధ జిల్లాలకు చెందిన పేదలు వేలాదిగా తరళివచ్చి ఇక్కడి ప్రభుత్వ భూముల్లో గుడిసెలు వేసుకునేందుకు ప్రయత్నాలు ప్రారంభించడం హెచ్ ఎండిఎ అధికారులు పోలీసుల సహాయంతో వారిని చెదరగొట్టేం దుకు ప్రయత్నించడం తీవ్ర ఉద్రిక్త పరిస్థితులకు దారితీసింది.

సొంతింటి భాగ్యానికి నోచుకోని పేదల అమాయకత్వాన్ని ఆసరాగా చేసుకొని వారివద్దనుంచి డబ్బులు దండుకుంటూ కోర్టు వివాదంలోవున్న ప్రభుత్వ భూమిని వారికి ఎరగావేస్తున్న ముఠా ఈ దురాగతానికి ఓడిగడుతోంది. నెల రోజులుగా అడపాదడపా కొంతమంది పేదలు వివిధ ప్రాంతాల నుంచి ఇక్కడకు వచ్చి ప్రభు త్వ భూమిలో నాలుగువైపులా నాలుగు కర్రలు నాటి వాటికి పాత చీరలు కడుతూ ఆస్థలం తమ ఆధీనంలో ఉందని భావిస్తుండగా

ఆదిలోనే వారిని అడ్డుకోవడంలో హెచ్ఎండిఎ అధికారులు విఫల మయ్యారు. దీంతో మియాపూర్లో 545ఎకరాల ప్రభుత్వ భూమి లో గుడిసెలు వేస్తే అది సొంతమవుతుందన్న వార్త నిరుపేద వర్గాలవారికి చేరడంతో పరిస్థితి పూర్తిగా మారిపోయింది. శుక్ర వారం వందలాదిగా మహిళలు శేరిలింగంపల్లి తహసిల్దారు కార్యాల యం వద్ద బైఠాయించగా శనివారం మధ్యాహ్నానికి వేలాదిగా మహిళలు మియాపూర్ ప్రభుత్వ భూమిలో గుమిగూడారు. ఈవిషయం తెలుసుకున్న హెచ్ఎండిఎ, రెవెన్యూ అధికారులు సైబరాబాద్ పోలీసుల సహాయంతో ప్రభుత్వ భూమిలోకి ప్రవేశించడంతో పరి స్థితి తీవ్ర ఉద్రిక్తంగా మారింది. అక్కడున్నవారిని చెదరగొట్టేం దుకు పోలీసులు ప్రయత్నించగా కొందరు యువకులు ప్రతిఘటిస్తూ రాళ్లు రువ్వడంతో పోలీసులు లాఠీలకు పనిచెప్పాల్సి వచ్చింది.

ఈఘటనకు సంబంధించిన వివరాలు ఇలావున్నాయి.