పోషకాల నిధి కర్బూజా

ఎండాకాలం వచ్చిందంటే మొదటగా మనకు గుర్తొచ్చేవి.. కమ్మకమ్మని మామిడి పండ్లూ, చల్లచల్లని పుచ్చకాయలు. కానీ వాటి వెంటే వేసివిలో తీయని రుచితోపాటూ ఆరోగ్యాన్నీ ఇచ్చే మరో పండే కర్బూజా, లేత పీచ్ంగులో తియ్యని వాసనతో ఆకట్టుకునే ఈ పండు సంగతులూ, దానిలో ఉన్న ఔషధగుణాలూ తెలిస్తే.. వెంటనే తినేస్తారు.

ఒకరికి ఎర్రని నిగారింపుతో మెరిసే ఆపిల్ రుచి నచ్చితే, మరొకరు మన ఇంటి పండులా అనిపించే బొప్పాయి తీపిని ఇష్టపడతారు. ఇంకొకరు చూస్తేనే తినాలనిపించే నారింజ పులుసును ఆస్వాదిస్తుంటారు.

ప్రతి పండూ ప్రత్యేకమైందే. దేని రుచి దానిదే అయినా తమతమ అభిరుచుల్ని బట్టి ఇలా ఒక్కొక్కరు ఒక్కో పండును ఎంచుకుంటారు. కర్బూజా పండు విషయంలోనూ సరిగ్గా ఇదే మాట వర్తిస్తుంది. దీని రంగు రుచీ ఇష్టపడే వాళ్లు.. 'ఎక్కువగా తియ్యగానో, కాస్త చప్పగానో ఉండే ఈ పండు వాసనే నచ్చదంటూ కనీసం చిన్న ముక్కైనా నోట్లో పెట్టుకోరు మరికొందరు. కర్బూజా అనగానే బయట వలలాంటి నిర్మాణంతో ఉన్న గరుకు తోలూ, లోపల లేత నారింజ రంగు గుజ్జుతో ఉన్న పండే మన దగ్గర ఎక్కువగా కనిపించేది. కానీ ఇప్పుడు పసుపు రంగులో దోసకాయంత సైజు ఉన్న సన్ మెలన్, ఆకుపచ్చ రంగులో ఉండే హనీ డ్యూ, చారలతో తీయగా ఉండే స్ట్రెప్ట్ మెస్క్ మెలన్ లాంటి రకాలూ దొరుకుతున్నాయి. ఈ కర్బూజాల్లో వివిధ దేశాల్లో వేరువేరు వెరైటీల్ని చూడొచ్చు. తెల్లగా ఉండే వైటానీ డ్యూ, ఆకుపచ్చని గాలియా, పసుపు రంగులోని పర్షియన్, కోలగా ఉండే శాంటా క్లాజ్, పియర్ పండు ఆకారంలో ఉండే కెన్షలాంటివి చాలానే ఉన్నాయి. ఇవేకాక, చక్కెర శాతాన్ని తగ్గించి, సిట్రస్ని పెంచి హైబ్రిడ్ నిమ్మరుచి లెమన్ ప్ చాలా తీయగా ఉండే హైబ్రిడ్ గ్రీన్ ప్లెష్ మస్క్ మెలలాంటివి వచ్చాయి. జ్యూసు తీసుకోవడంతో పాటు, ఫ్రూట్ సలాడ్లలోనూ వేసుకునే ఈ పండ్లలో కొన్నింటిని ఏడాదంతా పండిస్తున్నారు. మనదేశంలో కర్బూజా సాగుకు మంచి పేరున్న ఉత్తరప్రదేశ్, మధ్యప్రదేశ్ తోపాటు తెలుగు రాష్ట్రాల్లోని రైతులు చాలామంది కర్బూజా వెరైటీ రకాల్ని పండిస్తూ ఈమధ్య చక్కని ఫలితాలు పొందుతున్నారు. పంట దిగుబడికి సరైన పద్ధతులు పాటిస్తూ వేల రూపాయల పెట్టుబడితో లక్షల రూపాయలూ సంపాదిస్తున్నారు.