'సంఘీ భావం

వివాదాస్పదంలో భూముల స్వాధీనం

- - డాక్టర్ గిరీష్ కుమార్ సంఘీ

ప్రభుత్వం ప్రజా అవసరాల దృష్ట్యా ప్రజల భూములను స్వాధీ నం చేసుకోవడం జరుగుతుంది. అభివృద్ధి విషయంలో భూముల స్వాధీనానికి చట్టాలు, న్యాయస్థానాలు కూడా అనుకూలంగానే ఉంటాయి. అయితే వీటికి కొన్ని షరతులు ఉన్నాయి. ఇటీవలే సుప్రీంకోర్టు ఈ అంశంపై కీలకమైన సూచనలు కూడా చేసింది.రహదారుల విస్తరణ, వంతెనల నిర్మాణం, ప్రాజెక్ట్ అభివృద్ధి, నిర్మాణం సమయంలో పెద్దఎత్తున భూముల అవసరం ఏర్పడు తుంది. ప్రభుత్వం ఆధీనంలో ఉన్న భూములు కాకుండా ప్రజలు, రైతుల నుంచి కూడా భూములను స్వాధీనం చేసుకోవాల్సి వస్తోంది. ఇలాంటి పరిస్థితుల్లో రైతులుగాని, ప్రజలు కాని నష్ట పోకుండా వారికి నష్టపరిహారాన్ని అందిస్తారు. నిబంధనల ప్రకారం మార్కెట్ రేటు కంటే ఎక్కువ మొత్తంలోనే చెల్లింపులు ఉంటాయి. భూముల సేకరణ, చెల్లింపుల విషయంలో ప్రతి అంశం పారదర్శకంగా ఉంటుంది. ముందుగానే ఎవరి భూమిని స్వాధీనం చేసుకుంటున్నారన్న అంశాలను బహిరంగంగా ప్రకటిం చడంతో పాటు వాటిని పత్రికల్లో కూడా ప్రకటనల రూపంలో ముద్రిస్తారు. అదేవిధంగా కొన్ని ప్రత్యేక పరిస్థితుల్లో కూడా ప్రైవేటు వ్యక్తులు, రైతుల భూములను స్వాధీనం చేసుకుంటారు. పరిశ్రమల స్థాపన, ప్రభుత్వ కార్యాలయాల ఏర్పాటు వంటివి.