സങ്കടനിവൃത്തിയേകുന്ന അർത്ഥന

ഈശ്വരകൃപയുണ്ടെങ്കിൽ സ്വന്തം പ്രശ്നങ്ങൾ മാത്രമല്ല, മറ്റുള്ളവരുടെ പ്രശ്നങ്ങളും പരിഹരിക്കാൻ നമുക്ക് അവസരങ്ങൾ ലഭിക്കുകയും അവ പൂർത്തീകരിക്കാൻ സാധിക്കുമെ ന്നത് ഉണർത്തിക്കുകയും ചെയ്യുന്ന ഒരു കഥയാണിത്.

- സംഗീത മധു

അഗസ്ത്യാശ്രമത്തിൽ ചികിത്സ സംബന്ധിച്ച ശിക്ഷണം നടന്നുവരുന്ന സമയം തെരഞ്ഞെടുത്ത ശിഷ്യർക്ക് മാത്രമാണ് അഗസ്ത്യമുനി വിദ്യ അഭ്യസിപ്പിച്ചിരുന്നത്. അതിനാൽ ഏറെ താൽപ്പര്യത്തോടെയാണ് ശിക്ഷണത്തിനായി വിദ്യാർത്ഥികൾ എത്തിയിരുന്നതും. മാത്രമല്ല, അൽപ്പം മുൻകോപി കൂടിയാണ് അഗസ്ത്യൻ എന്നത് പ്രസിദ്ധവുമാണ്.

തേരയ്യൻ എന്ന പേരുള്ള ഒരു ശിഷ്യൻ ഒരിക്കൽ അവിടെ ശിക്ഷണത്തിനെത്തിയിരുന്നു. കുറച്ചുദിവ സത്തെ പഠനത്തിനുശേഷം അഗസ്ത്യൻ തേരയ്യനോട് പറഞ്ഞു.

"നല്ല കഠിനാദ്ധ്വാനത്താൽ നീ ഒരു മുക്കാൽ വൈദ്യർ ആയി കഴിഞ്ഞിരിക്കുന്നു. ഇനി ബാക്കി പഠിത്തം പൂർത്തിയായാൽ ഒരു പൂർണ്ണ വൈദ്യനായി മാറും. അതിന് കുറച്ചുദിവസങ്ങൾ കൂടി ഇവിടെ ചെലവഴിക്കേണ്ടിവരും.

"അങ്ങനെയാകട്ടെ ഗുരുദേവാ.' തേരയ്യൻ സമ്മതം പറഞ്ഞു. കുറച്ചുനാളുകൾക്കു ശേഷം ഗുരു തേരയ്യനെ വിളിച്ചുപറഞ്ഞു.

"എനിക്ക് ചികിത്സയ്ക്കാവശ്യമായ ചങ്ങലം പരണ്ട എന്ന ഔഷധസസ്യം വേണം. അതുവേഗം എടുത്തുകൊണ്ടുവരൂ.