സ്വപ്നഭവനം എങ്ങനെ സാക്ഷത്കരിക്കാം?

നല്ല വീട്

- ജോത്സ്യൻ ജയകൃഷ്ണൻ എസ്. വാര്യർ

വിശാലമായ പറമ്പിന് നടുവിൽ നടുമുറ്റവും തട്ടിൻപുറവും നിലവറയുമെല്ലാമുള്ള, പത്തിരുപത് പേർ താമസിച്ചിരുന്ന വലിയ തറവാടുകൾ വെറും ഓർമ്മ മാത്രമായിക്കഴിഞ്ഞു. ആ സ്ഥാനത്ത് ഇപ്പോൾ ആഡംബരങ്ങൾ നിറഞ്ഞ ബഹുനില മാളികകളാണ് എങ്ങും. അല്ലെങ്കിൽ ഫ്ലാറ്റുകൾ. ഇവിടെയെല്ലാ രണ്ടോ മൂന്നോ പേർ മാത്രം. കാലഘട്ടത്തിന്റെ മാറ്റം ഉൾക്കൊണ്ട് ഈ അണു കുടുംബങ്ങൾക്കായി ചെറിയ സ്ഥലത്ത്, അത്യാവശ്യം സൗകര്യങ്ങളെല്ലാമുള്ള, ദോഷദുരിതങ്ങൾ ബാധിക്കാത്ത ഒരു നല്ല വീട് വച്ച് സ്വസ്ഥമായി ജീവിക്കാൻ ആഗ്രഹിക്കാത്തവർ ആരുമുണ്ടാകില്ല. അതെ; നല്ല വീട് എന്ന സ്വപ്നം കാലഘട്ടത്തിന്റെ കൂടി ആവശ്യമാണ്. വാസ്തു നോക്കി വീട് വെക്കാനും ലോണെടുത്തും സ്വരുക്കൂട്ടി വച്ച സമ്പാദ്യങ്ങളും സ്വർണ്ണാഭരണങ്ങളും എല്ലാം മുടക്കി വീടുപണിയുന്നത് സമാധാനത്തോടെ, സന്തോഷത്തോടെ ജീവിക്കുന്നതിനു വേണ്ടി ആണല്ലോ? അത്തരത്തിൽ വീടുപണിയുമ്പോൾ എന്തൊക്കെ കാര്യങ്ങൾ ശ്രദ്ധിക്കണം എന്ന് നോക്കാം: ഏറ്റവും പ്രധാനപ്പെട്ട ആദ്യത്തെ കാര്യം ഓരോ വീടും ജനിക്കുന്നത് അതിൽ താമസിക്കുന്ന മനുഷ്യരുടെ മനസ്സിലാണ്; അല്ലെങ്കിൽ അങ്ങനെയെ ആകാൻ പാടുള്ളൂ. മാർച്ച് 31നകം ലോൺ എടുത്തില്ലെങ്കിൽ അത് ലാപ്സായി പോകും, തിരക്കു എന്നൊക്കെ ഓരോ കാരണം പറഞ്ഞ് പിടിച്ച് മറ്റാരെങ്കിലും വരച്ചതോ പെട്ടെന്ന് തട്ടിക്കൂട്ടിയതോ ആയ ഒരു പ്ലാനിൽ ഒരു വീട് പണിയാൻ ഇറങ്ങി പുറപ്പെടരുത്.

വാസ്തു നോക്കണം