തിരുവൈരാണികുളത്ത് നടതുറപ്പ്

ആലുവ തിരുവൈരാണികുളം മഹാദേവ ക്ഷേത്രത്തിലെ മംഗല്യവരദായനിയായ ശ്രീപാർവ്വതിദേവിയുടെ നടതുറപ്പ് മഹോത്സവം ധനുമാസത്തിലാണ്. തിരുവൈരാണിക്കുളത്ത് നടതുറപ്പ് ധനു 11 (ഡിസംബർ 27) ബുധനാഴ്ചയാണ്.

 അഭീഷ്ടവരദായകനും ക്ഷിപ്രപ്രസാദിയുമായ ശ്രീമഹാദേവൻ പ്രധാന പ്രതിഷ്ഠയായി വാണരുളുന്ന തിരുവൈരാണികുളം മഹാദേവ ക്ഷേത്രത്തിൽ ശ്രീപാർവ്വതിദേവി ഭക്തർക്ക് ദർശനം നൽകുന്നത് വർഷത്തിൽ പന്ത്രണ്ടു ദിവസം മാത്രമാണ്. ധനുമാസത്തിലെ തിരുവാതിര നാൾ മുതൽ പന്ത്രണ്ടു ദിവസം മാത്രമേ ശ്രീപാർവ്വതിദേവിയെ ദർശിക്കുവാൻ സാധിക്കുകയുള്ളൂ. പാർവ്വതിദേവിയുടെ നടതുറക്കുന്നതിനെ നട തുറപ്പുമഹോത്സവം എന്നാണ് അറിയപ്പെടുന്നത്.