ശുദ്ധരത്നങ്ങളേ ഫലം തരു

രത്നങ്ങളും ജ്യോതിഷവും...

- ഷാജി ജോസഫ് ഇടമറുക്

ഒരാൾ ജനിക്കുന്ന സമയത്തെ ഗ്രഹനിലയുടെ അടിസ്ഥാനത്തിൽ ജനനസമയത്തെ ഗ്രഹപ്പിഴയ്ക്ക് പരിഹാരമായി രത്നങ്ങൾ നിർദ്ദേശിക്കുന്നു. തികച്ചും ശുദ്ധ രത്നങ്ങൾ ശുഭമുഹൂർത്തത്തിൽ അഗ്നിസാക്ഷിയായി ധരിക്കുന്നതോടെ മനുഷ്യരിൽ കുടികൊള്ളുന്ന ചൈതന്യം അനുകൂലചലനത്തിൽ ആകുകയും സപ്തചക്രങ്ങൾ ഉത്തേജിക്കുകയും ചെയ്യുന്നു.

ഉദാഹരണമായി ഒരാളുടെ ജനനസമയത്തെ വ്യാഴാവസ്ഥ നീചസ്ഥിതി മനുഷ്യസ്ഥിതി പന്ത്രണ്ടിൽ മറയുക ഇത്യാതി അവസ്ഥകൾ ഉണ്ടായാൽ ആ വ്യക്തിയെ ഗുരുത്വദോഷി എന്ന് വിളിക്കാറുണ്ട്. ഇത്തരക്കാർക്ക് അഷ്ടഐശ്വര്യങ്ങൾ അനുഭവിക്കു വാനായില്ല എന്ന് വേദിക ജ്യോതിഷം പറയുന്നു. അനുഭവയോഗം എന്ന സ്ഥിതി ഉണ്ടാകുവാൻ ഈ ശ്വരാധീനം അഥവാ ഗുരുത്വം ആവശ്യമാണ്. പ്രസ് തുത ജാതകന്റെ ജന്മം, കർമ്മം, ഭാഗ്യം, ഗുണം ഈ ഭാഗങ്ങളെ വ്യാഴം സ്വാധീനിക്കയാൽ ദോഷ പരിഹാരമായി പുഷ്യരാഗം, പത്മരാഗം ഇവയൊ ക്കെ പരിഹാരമായി ധരിക്കാവുന്ന രത്നങ്ങളാണ്. ചരിത്രാതീത കാലം മുതൽക്കേ മനുഷ്യർ രത്നങ്ങളുടെ സ്വാധീനങ്ങളെക്കുറിച്ച് മനസി ലാക്കിയിരുന്നു. പുരാണങ്ങളിലെ സമന്തകവും ബൈബിളിലെ പുറപ്പാട് പുസ്തകത്തിൽ പരമാർ ശിക്കുന്ന രത്നങ്ങളുടെ മഹാത്മ്യവും ആധുനിക ലോകത്തിലെ ഏറ്റവും വിലയേറിയ വസ്തുവായി അറിയപ്പെടുന്ന കോഹിനൂർ രത്നവും രത്നമാഹാത്മ്യം സൂചിപ്പിക്കുന്നു.

എന്താണ് രത്നങ്ങൾ?

പ്രകൃതിയുടെ ഓരോ പ്രതിഭാസ പ്രക്രിയയു ടെ ഫലമായി ചില ജീവികളിലും മാർദ്ദവമേറിയ പാറകളിലും പുറ്റുകളിലും ഒക്കെയായി രൂപാന്തര പ്പെടുന്നവയാണ് പ്രകൃതി ദത്ത രത്നങ്ങൾ. ഇവയെല്ലാം ഓരോ മൂലകങ്ങളാണ്. ഉദാഹരണമായി വജ്രം എന്നത് കാർബൺ രൂപന്തരമാണ്. മുത്ത് എന്നത് കാൽസ്യം നിറഞ്ഞതാണ്. പ്രധാനമായും ഒൻപത് രത്നങ്ങൾ(നവരത്നങ്ങൾ) ആണ് പരാമർശിക്കപ്പെടുന്നത് എങ്കിലും അനേകം തരത്തിലുള്ള രത്നങ്ങൾ പ്രകൃതിയിൽ നിന്നും കണ്ടെത്തിയിട്ടുണ്ട്. ഇവ കൂടാതെ കൃത്രിമ രത്നങ്ങളും ധാരാളം ഇന്നത്തെ മാർക്കറ്റുകളിൽ കിട്ടാറുണ്ട്. ഇവ വ്യവസായിക രത്നങ്ങൾ എന്ന് അറിയപ്പെടുന്നു. പ്രകൃതിദത്തമായ ശുദ്ധരത്നങ്ങൾക്കാണ് ഗ്രഹദോഷങ്ങൾക്ക് പരിഹാരം തരാനാകുന്നത്.