పారమార్థిక నిధులు

భగవాన్ శ్రీరామకృష్ణుల ప్రత్యక్ష శిష్యులు - స్వామి బ్రహ్మానందజీ మహరాజ్ శిష్యులైన స్వామి నిర్వాణానందజీ మహరాజ్ రామకృష్ణ సంఘ ఉపాధ్యక్షులుగా సేవలందించారు.

- సత్యచైతన్య

స్వామి నిర్వాణానంద (1890-1984)

భగవాన్ శ్రీరామకృష్ణుల ప్రత్యక్ష శిష్యులు - స్వామి బ్రహ్మానందజీ మహరాజ్ శిష్యులైన స్వామి నిర్వాణానందజీ మహరాజ్ రామకృష్ణ సంఘ ఉపాధ్యక్షులుగా సేవలందించారు. పూజ్య స్వామీజీ స్వామి బ్రహ్మానంద మహరాజ్ వ్యక్తిగత సేవకునిగా సపర్యలు చేశారు. పూజ్య స్వామీజీ గావించిన ఆధ్యాత్మిక సంభాషణలను, దివ్య స్మృతులను, బోధాలను పాఠకులకు అక్టోబర్ - 2022 సంచిక నుండి అందిస్తున్నాం.

శ్రీరామకృష్ణులు అనేవారు... “వివేచన లేకుండా పలు ఉద్గ్రంథాలను చదవడంవల్ల ప్రయోజనం ఏముంది? భగవంతుణ్ణి సాక్షాత్కరించుకోవడానికి ప్రయత్నించు. గురువు మాటలపై విశ్వాసం ఉంచి కర్తవ్యాన్ని నిర్వహించు. ఒకవేళ గురువు లేకుంటే, వ్యాకులతతో భగవంతుణ్ణి ప్రార్థించు.ఆయనే తనను తాను నీకు తెలియపరచుకుంటాడు.