ഇടയ്ക്കയിലെ ആശാനാദം

കാലങ്ങളായി പുരുഷന്മാർ മേൽക്കോയ്മ നേടുന്ന സോപാന സംഗീതത്തിൽ ചുരുങ്ങിയ വർഷങ്ങൾക്കൊണ്ട് ലക്ഷക്കണക്കിന് ആരാധകരെയാണ് ആശ സ്വന്തമാക്കിയിരിക്കുന്നത്

- ജി.വേണുഗോപാൽ

ക്ഷേത്രകലകളുടെ ഈറ്റില്ലമാണ് സംഗമഗ്രാമം എന്നറിയപ്പെടുന്ന ഇരിങ്ങാലക്കുട. ഇതിന്റെ കേന്ദ്രബിന്ദു സാക്ഷാൽ കൂടൽമാണിക്യം ക്ഷേത്രവും. ക്ഷേത്രത്തിന്റെ ഒരു വശത്ത് ഉണ്ണായിവാര്യയർ സ്മാരക കലാനിലയം. ഉണ്ണായിവാര്യരുടെ ഗൃഹമായ അകത്തൂട്ട് വാര്യത്തിന്റെ പുരത്തറയിൽ ഉയിർകൊണ്ട് സ്ഥാപനം. അവിടെ കഥകളി വേഷങ്ങൾ പുതിയ മാനങ്ങൾ തേടുന്നു. മറുവശത്ത് അമ്മന്നൂർ ഗുരുകുലം. കൂടിയാട്ടത്തെ വിശ്വചക്രവാളത്തോളം വളർത്തിയ അമ്മന്നൂർ മാധവചാക്യാരുടെ പൈതൃകം കാത്തുസൂക്ഷിക്കുന്ന കലാകേന്ദ്രം. കൂടാതെ ബ്രാഹ്മണിപ്പാട്ടും പഞ്ചാരിയുടെ താളബോധവും കഥാകഥന സൗന്ദര്യത്തിന്റെ പാഠകവും ഈ മണ്ണിൽ നിറയുന്നു. ഈ മണ്ണിലാണ് ഇടയ്ക്ക ക്രൈസ്റ്റ് കൊട്ടി പാടുന്ന സോപാനസംഗീതത്തിന്റെ സൗന്ദര്യത്തെ വാനോളം ഉയർത്തി ഒരു പെൺകുട്ടി കേരളത്തിന്റെ താരമാകുന്നത്. ഇരിങ്ങാലക്കുട കോളേജ് എം.എ വിദ്യാർഥിനികൂടിയാ യ ഇരിങ്ങാലക്കുട പേഷ്ക്കാർ റോഡ് വെളുത്താട്ടിൽ സുരേഷ്കുമാറിന്റെയും രാജിയുടെയും മകൾ ആശാ സുരേഷ്. കഴിഞ്ഞ രണ്ടുവർഷത്തിനുള്ളിൽ സോപാനസംഗീത അവതരണത്തിലുടെ ലക്ഷക്കണക്കിന് ആരാധകരെയാ ഈ മിടുക്കി സൃഷ്ടിച്ചത്.

പൊതുവേ പുരുഷൻമാരാണ് ഈ രംഗത്ത് സർവ്വസാധാരണമെങ്കിലും തന്റെ ആലാപന മാധുരികൊണ്ട് വെ ന്നിക്കൊടി പാറിക്കുവാൻ ആശ കഴിഞ്ഞു. അർപ്പിത മനസ്സോടെയുള്ള ഉപാസനയാണ് തന്നെ ആ രംഗത്ത് എത്തിച്ചതെന്ന് ആശ പറയുന്നു.

ഇടയ്ക്കയുടെ താളം..