വാനോളം വളർന്നവർ

ആസാദി സാറ്റ് 2 എന്ന ഉപഗ്രഹത്തെ ആകാശത്തേക്ക് അയച്ചവരിൽ മിടുക്കികളായ പത്ത് മലയാളിക്കുട്ടികളുമുണ്ട്. ആ നേട്ടത്തിലേക്ക് അവരെത്തിയത് എങ്ങനെയെന്നറിയാം

- എം. ബി. ബാബു

നമ്മളില്ലേയ്...'' ഇങ്ങനെ പറഞൊഴിഞ്ഞത് 450-ഓളം പേർ. “ഞങ്ങളുണ്ട് എന്ന് പറഞ്ഞുറപ്പിച്ചത് അൻപതു പേർ. ഉപഗ്രഹ നിർമാണത്തിൽ പങ്കാളിയാകാൻ താത്പര്യമുണ്ടോ?' ഇതായിരുന്നു തൃശ്ശൂർ അഴീക്കോട് സീതിസാഹിബ് മെമ്മോറിയൽ ഹൈസ്കൂളിലെ പെൺ കുട്ടികളോട് സ്കൂൾ അധികൃതർ ചോദിച്ചത്. അൻപതിൽ നിന്ന് മികച്ചവരായി കണ്ടെത്തിയ പത്തുപേർ അങ്ങനെ താരങ്ങളായി. ആസാദി സാറ്റ് 2 എന്ന ഉപഗ്രഹ നിർമാണത്തിൽ അവർ പങ്കാളികളായി. വിവിധ സംസ്ഥാനങ്ങളിലെ 75 സർക്കാർ സ്കൂളുകളിൽ നിന്നുള്ള 750 പെൺകുട്ടികളുടെ കൂട്ടായ്മയിലാണ് ആസാദി സാറ്റിന്റെ പിറവി. അതിൽ പത്തുപേർ ഈ മലയാളിപ്പെൺകുട്ടികൾ.

തങ്ങളും ചേർന്ന് നിർമിച്ച ഉപഗ്രഹം ശ്രീഹരിക്കോട്ടയിലെ സതീഷ് ധവാൻ ബഹിരാകാശ കേന്ദ്രത്തിലെ ഒന്നാം വിക്ഷേപണത്തറയിൽ നിന്ന് ജ്വലിച്ചുയരുന്നത് അവർ അവിടെപ്പോയി കണ്ടു, തൊട്ടടുത്തിരുന്ന്.

ഇപ്പോൾ സ്കൂളിലെ ബഹുഭൂരിപക്ഷം വിദ്യാർഥികളും ദിവസേന സ്റ്റാഫ് റൂമിലെത്തി പറയും... “സർ, ആസാദി സാറ്റ് 2 പോലെ വല്ല പരിപാടികളുമുണ്ടെങ്കിൽ പറയണേ, ഞങ്ങളുമുണ്ട്.

കാര്യം അറിഞ്ഞപ്പോൾ