అమ్మాయిలకు అసలైన స్వాతంత్య్రం వచ్చిందా?

మత సంబంధిత కథల్లో లింగ అసామానత్వం పునాదులు ఎంత నైపుణ్యంగా వేసారంటే మహిళలు కావాలనుకున్నప్పటికీ వాటిని కదిలించలేరు.

మత సంబంధిత కథల్లో లింగ అసామానత్వం పునాదులు ఎంత నైపుణ్యంగా వేసారంటే మహిళలు కావాలనుకున్నప్పటికీ వాటిని కదిలించలేరు.

బాల్యంలో తల్లి తరచుగా ఒక కథ చెబుతూ ఉంటారు. కుష్టు వ్యాధితో బాధపడుతున్న తన భర్తను బుట్టలో కూర్చోబెట్టుకుని భార్య సతి స్నానం చేయడానికి నది ఒడ్డుకు వెళ్లేది. ఒక రోజు అదే నది ఒడ్డున ఒక వేశ్య స్నానం చేస్తోంది. అది చూసి కుష్టు వ్యాధి గ్రస్తుడైన భర్త ఆ వేశ్య ప్రేమలో పడతాడు.అప్పటి నుంచి అతనిలో దుఃఖం మొదలైంది. ఎందుకు బాధపడుతున్నావని భార్య అడిగితే అతడు మొత్తం విషయం చెప్పాడు. భార్య భర్తకు ధైర్యాన్ని ఇచ్చింది. అతనికి సహాయం చేస్తానని మాట ఇచ్చింది.

ఆ తర్వాత ప్రతిరోజు ఉదయమే లేచి సతి వేశ్య ఇంట్లోకి రహస్యంగా వెళ్లి ఇంటి పనంతా చేసి తిరిగి వెళ్లిపోయేది. తన ఇంటిపనంతా ఎవరు చేసి వెళుతున్నారని వేశ్య ఆశ్చర్యపోయింది. ఒక రోజు వేశ్య సతిని పట్టుకుంది. కారణం ఏమిటని అడిగింది.

అప్పుడు సతి తన భర్త ప్రేమ కథ గురించి వేశ్యకు చెప్పింది. అప్పుడామె అతన్ని తీసుకు రమ్మంది. ఎంతో సంతోషంగా సతి ఇంటికి వెళ్లిపోయింది. భర్త కోసం కొత్త బట్టలు తీసింది.అతనికి స్నానం చేయించి తుడిచి వేశ్య ఇంటికి తీసుకు వెళ్లడానికి నదివైపు బయలుదేరింది.దారిలో కొద్ది క్షణాలపాటు విశ్రాంతి తీసుకోవ డానికి ఆ బుట్టను ఒక చెట్టు కింద పెట్టింది. ఆమె భర్త కుష్టు రోగి. శరీరం నుంచి దుర్వాసన వస్తోంది. ఆ సమయంలో ఆ దారిలో కొందరు సాధువులు వెళుతున్నారు. వాళ్లు ఆ దుర్వాసన భరించలేకపోయారు. “ఏ ప్రాణి నుంచి ఈ దుర్వాసన వస్తుందో అది సూర్యాస్తమయం లోపు చనిపోవాలి" అని వాళ్లు శపించారు.

సతి వారి మాటలను విన్నది. తర్వాత సూర్యుని వైపు చూసి “నా ఇష్టానికి విరుద్ధంగా సూర్యుడు ఎలా అస్తమిస్తాడో నేను చూస్తాను" అంది.

కథను బట్టి ఆ స్త్రీ పాతివ్రత్యం చాలా శక్తివంతమైనది. ఆమె ముందు సూర్యదేవుడు కూడా తలవంచవలసి వచ్చింది. సూర్యుడు అక్కడే నిలిచిపోయాడు.

ఈ కథ చాలామంది మహిళలు తమ వయసులో ఏదో ఒక సమయంలో విని ఉంటారు.నిజానికి ఇది కేవలం కథ కాదు, మన మతపరమైన కథలతో వారికి తినిపించే ఉగ్గుకి ఒక నమూనా. మతపరమైన కథల్లో ఎక్కువగా స్త్రీలకు నైతిక బోధనలు, ప్రాచీన కాలం నుంచి వస్తున్న వ్యవస్థల ఉగ్గును తినిపిస్తూ ఉంటారు.