మోసకారి స్నేహితులను ముందే గుర్తించటమెలా?

ఫ్రెంన్షిప్ ముసుగు ధరించి మిమ్మల్ని అవసరానికి వాడుకొనే ఉద్దేశంతో ఉండే స్నేహితులను ముందే గుర్తించి వదిలించుకోవాలి.

- - పూనమ్ అహ్మద్ •

ఫ్రెంన్షిప్ ముసుగు ధరించి మిమ్మల్ని అవసరానికి వాడుకొనే ఉద్దేశంతో ఉండే స్నేహితులను ముందే గుర్తించి వదిలించుకోవాలి.

రమా ఉత్తర భారతం నుంచి ముంబైకి కొత్తగా వచ్చింది. ఆమె ఒక బ్యూటీ పార్లర్ కి వెళ్లింది. అక్కడ సర్వీస్ కోసం వెయిట్ చేస్తున్న మరో మహిళ కలిసింది.రమా మాట్లాడుతున్న చక్కని హిందీ విని ఆమె మాట్లాడటం మొదలుపెట్టింది. “మీది కూడా నార్త్ ఇండియానా?".

"అవునండీ" అంది రమా.

"నేను కూడా అక్కడి నుంచే. నా పేరు అంజూ. ఢిల్లీ నుంచి వచ్చాను. మీది ఎక్కడ?".

"మీరట్”.

ఇద్దరూ మాట్లాడుకుంటున్నారు. అంజూ అనేక విషయాలు చర్చించసాగింది. ఇంట్లోనే సూట్స్ అమ్ముతుంటానంది. ఉద్యోగం చేయటం తనకు ఇష్టం అని చెప్పి, ఎక్కువగా చదువుకోలేదు గనక జాబ్ రాదనే ఈ పని ఎంచుకున్నట్లు వివరించింది. ఇందులో తనకు ఆనందంగా ఉందనీ చెప్పింది.

అంజూ అక్కడే మాటల్లో రమా నుంచి ఫోన్ నెంబర్, అడ్రస్ అన్నీ తీసుకుంది. రమా సంతోషంగా ఇచ్చింది. రాగానే తమ ప్రాంతానికి చెందిన హిందీ మాట్లాడే ఫ్రెండ్ దొరికిందని ఆనందపడింది. మర్నాడే అంజూ తన ఇంటికి రావటంతో రమాకు సంబరంగా అనిపించింది.

అంజూని తన ఫ్యామిలీకి కూడా పరిచయం చేసింది. ఇద్దరూ కలిసి భోజనం చేస్తూ చాలా విషయాలు చర్చించుకున్నారు. చాలా తక్కువ సమయంలోనే బాగా క్లోజ్ అయిపోయారు.

కొన్ని రోజుల తర్వాత అంజూ రమా కుటుంబీకులనూ ఇంటికి పిలిచింది. అందరూ కలుసుకొని చాలా సంతోషించారు.

కొన్ని నెలలు ఇలా రాకపోకలతో గడిచిపోయాయి.

స్వార్థ స్నేహo

రమా తన అపార్టుమెంట్లోనే ఒక కిట్టీ గ్రూప్లో చేరింది. అంజూకి తెలియగానే “కిట్టీ పార్టీలో నీ నెంబర్ వచ్చినప్పుడు నేను కొన్ని సూట్స్, డ్రెస్సులు తీసుకొస్తాను. ఎవరో ఒకరు కొంటారు కదా" అంది.

రమా “సరే” అనేసింది. రమా ఇంట్లో పార్టీకి అపార్టుమెంట్ నుంచి 10 మంది మహిళలు

వచ్చారు. అంజూ పెద్ద బ్యాగు తెరిచి డ్రెస్సులు చూపించసాగింది. కొందరు మహిళలకు ఇది నచ్చలేదు. ఒకరైతే సూటిగా “ఏమిటండీ, పార్టీలో బిజినెస్ చేస్తున్నారు. ఈ టైమ్లో వేరే ఆటలు ఆడుకోవచ్చు కదా” అన్నారు.

ఎవ్వరూ ఏమీ కొనలేదు. వారికి వేర్వేరు అభిరుచులు ఉన్నాయి. ఒకావిడ “ఈ 10 డ్రెస్సులో ఏదో ఎందుకు తీసుకోవాలి? షాపుకి వెళ్తే వందల డ్రెస్సుల్లో ఎంచుకోవచ్చు కదా" అంది.