వ్యాపారంలో కస్టమర్లను పెంచుకోడానికి 7 ఉపాయాలు

కస్టమర్లను పెంచుకోవడానికి ఈ పద్ధతులను పాటిస్తే అమ్మకాలు పెరగడంతోపాటుమీ జేబు ఎప్పుడూ ఉంటుంది.

- - పారూల్ భట్నాగర్ •

కస్టమర్లను పెంచుకోవడానికి ఈ పద్ధతులను పాటిస్తే అమ్మకాలు పెరగడంతోపాటుమీ జేబు ఎప్పుడూ ఉంటుంది.

మ న దేశంలో అతిధులకే కాదు, కస్టమర్లకు ప్రత్యేక గౌరవం, హెూదా ఇస్తారు. అతిధులకు ఆగ్రహం కలిగినా పట్టించుకోనక్కర లేదు కానీ కస్టమర్లకు కోపం వస్తే అది మీ జీవనోపాధిపై ప్రభావం చూపి మీ ఆర్థిక స్థితిని దెబ్బ తీస్తుంది. కాబట్టి కస్టమర్ ప్రవర్తన మీకు అర్థం కాకున్నా సరే వారిపై కోప్పడవద్దు. విసుక్కోవద్దు.

రకరకాల కస్టమర్లతో ఎలా వ్యవహరించాలో ఇప్పుడు తెలుసుకుందాం.

ఇన్సూరెన్స్ పాలసీ కొనుగోలు చేసే కస్టమర్

కస్టమర్కి మీరు ఆఫ్ లైన్ లో బీమా పాలసీ విక్రయిస్తున్నట్లయితే ఎంతో ప్రశాంతంగా దీన్ని డీల్ చేయాలి. లేకపోతే మీ తొందరపాటుతో క్లయింట్స్ మీ చేతుల్లోంచి జారిపోతారు. వారు మార్కెట్లో మీ పరపతిని చెడగొట్టే అవకాశం ఉంటుంది. ఫోన్లో మాట్లాడినప్పుడు వాళ్లు పాలసీ తీసుకోవడానికి అంగీకరించి ఉండవచ్చు కానీ ముఖాముఖి కలుసుకున్నప్పుడు దాన్ని తీసుకోవడానికి మీరు మరిన్ని షరతులు చెప్పినప్పుడు నిరాకరిస్తుంటారు.

ఇలాంటి పరిస్థితిలో మీరు అనవసరంగా నా టైమ్ వృథా చేసారని వారిపై కోపం తెచ్చుకోవద్దు.మృదువైన మాటలతో వారికి నచ్చజెప్పాలి. పాలసీ తీసుకునేలా తయారుచేయాలి. ఇతర పాలసీలు తీసుకోమని పట్టుబట్టాలి.

షాప్ కస్టమర్

మీకు కిరాణా దుకాణం లేదా కూరగాయల దుకాణం ఉంటే కస్టమర్ల కొరత ఉండదు. ఈ రెండు రోజువారీ అవసరాలు తీర్చేవి. మీ దగ్గరికి రకరకాల కస్టమర్లు వస్తారు. ఏదో షాపులో ఉన్న వస్తువుల గురించి మిమ్మల్ని అడుగుతారు. అంత మాత్రాన అవన్నీ వారు తీసుకోవాలని ఏమీ లేదు. ఇంకొందరికి ప్రతి వస్తువు ధర బేరమాడే అలవాటు ఉంటుంది. మరి కొందరు ఒక్క రూపాయి తగ్గింపు కోసం అసభ్యంగా మాట్లాడడానికీ వెనుకాడరు.