తల్లులకు ఆర్థిక స్వతంత్రం అవసరం

భారతదేశంలోని మహిళల్లో చాలామంది మంచి గృహిణులు, మంచి తల్లులు ఉన్నారు.

- -పారూల్‌ భట్నాగర్‌ 

మహిళలకు ఆర్థిక స్వతంత్రం, భద్రత ఎంతో అవసరం.

భారతదేశంలోని మహిళల్లో చాలామంది మంచి గృహిణులు, మంచి తల్లులు ఉన్నారు. కానీ వీరు తమ బాధ్యతల కారణంగా కెరీర్ కోల్పోవాల్సి వస్తోంది. అయితే ప్రస్తుత కాలంలో స్త్రీ అయినా, పురుషుడు అయినా ఆర్థిక సామర్థ్యం కలిగి ఉండటం చాలా ముఖ్యం. ఎందుకంటే, దీంతో ఆర్థికంగా మీరు స్వతంత్రులవుతారు. మీరు ఆర్థికంగా బలపడే కొద్దీ మీ జీవనశైలిలో మార్పు వస్తుంది. జీవితంలో ఎలాంటి కష్టాలు వచ్చినా వాటిని మీరు ఎదుర్కోవచ్చు.

తల్లులు ఎందుకు ఆర్థిక స్వతంత్రంగా ' ఉండాలో ఇప్పుడు మనం తెలుసుకుందాం.

పెరుగుతున్న జీవన వ్యయం

ద్రవ్యోల్బణం రోజురోజుకీ పెరుగుతోంది. ఇంటి అద్దె కావచ్చు, కిరాణా సామగ్రి, కూరగాయలు, పండ్ల ధరలు, పిల్లల స్కూలు ఫీజులు కావచ్చు... ఇలా అన్నీ పెరిగి పోతుండటంతో, కుటుంబంలో ఒక వ్యక్తి అంటే భర్త ఒక్కరే సంపాదిస్తే జీతం సరిపోదు.

ఇలాంటి పరిస్థితిలో స్త్రీలు ఆర్థికంగా బలోపితం చేయడానికి తగిన చర్యలు తీసుకుంటే వారి భాగస్వామికి చేదోడువాదోడుగా ఉంటారు.జీవనశైలి మెరుగుపడుతుంది. మరింత పొదుపు చేయగల్గుతారు. పిల్లలకు మంచి చదువు చెప్పించవచ్చు. అలాగే చిన్న విషయాల గురించి ఆందోళన చెందాల్సిన అవసరం ఏర్పడదు.

కష్టసమయాల్లో

జీవితంలో ఎప్పుడు ఏం జరుగుతుందో ఎవ్వరికీ తెలియదు. జీవిత యుద్ధంలో ఓడి పోవచ్చు, ఉద్యోగం కోల్పోవచ్చు. కానీ ఒక విషయం తెలిస్తే మీరు ఆశ్చర్యపోతారు. కరోనా సెకండ్ వేవ్ సమయంలో మిలియన్ల సంఖ్యలో భారతీయులు తమ ఉద్యోగాలు కోల్పోయారు. దాని కారణంగా వారి జీవితాలు అస్తవ్యస్త మయ్యాయి. భవిష్యత్ ప్రణాళికలన్నీ తలకిందు లయ్యాయి. ఇలాంటి సందర్భంలో, కుటుంబంలో కొన్ని కారణాల వల్ల భర్త ఉద్యోగం కోల్పోయినా లేదా మరేదైనా ఇతర కారణాల వల్ల ఇంట్లో సంపాదించే వ్యక్తి లేకపోతే ఎలా ఉంటుందో? ఒక్కసారి ఆలోచించండి. ఇప్పుడు కరోనా లేక పోవచ్చు, కానీ భవిష్యత్తులో ఇలాంటిది మరేదో ఏర్పడితే దాంతో కుటుంబంపై అప్పు అనేక ఇతర బాధ్యతలు పెరిగితే మహిళలసైతం పెద్ద కష్టాల్లో చిక్కుకుంటారు.

కాబట్టి మహిళలు ఆర్దిక స్వావలంబన కలిగి ఉంటే చేసే పనిలో సులభంగా అధిగమిస్తారు. వారు కుటుంబాలను సంభాళించుకుంటారు.

మిమ్మల్ని మీరు బలహీనులుగా భావఏంచుకోవద్దు