వర్షాకాలంలో చేసే తప్పులు

వర్షాకాలంలో మీ జుట్టు నిర్జీవంగా మారి చెడి పోకుండా ఉండాలంటే ఈ తప్పులు చేయకండి.

- - గరిమా పంకజ్ •

జుట్టుకి, తలకు వర్షాకాలాన్ని చెడుకాలంగా పరిగణిస్తారు. మాన్సూన్ జుట్టు రాలడం, ' చుండ్రు ఏర్పడటం సర్వసాధారణం. కాబట్టి ఈ సీజన్లో జుట్టుపై ఎక్కువ శ్రద్ధ వహించడం అవసరం. ఈ కాలంలో మనల్ని ఇబ్బంది పెట్టే ఏర్పడే సమస్యలు, మనం చేసే పొరపాట్లు ఏమిటో తెలుసుకుందాం.

వర్షాకాలంలో జుట్టు సమస్యలు

జుట్టు రాలడం : వర్షాకాలంలో మహిళలు జుట్టు రాలే సమస్యను ఎదుర్కొంటుంటారు. నిజానికి ఈ కాలంలో తేమతో కూడిన వేడి ఉంటుంది. దాంతో స్కాల్ప్ పీహెచ్ లెవల్ దెబ్బ తింటుంది. ఫలితంగా జుట్టు రాలడం గణనీయంగా పెరుగుతుంది. సాధారణంగా ఏ సీజన్లోనైనా జుట్టు రాలుతుంటుంది. కానీ వర్షాకాలంలో ఇది ఎక్కువగా ఉంటుంది.

స్కాల్ప్ ఇన్ఫెక్షన్: ఈ కాలంలో స్కాల్ప్ ఇన్ఫెక్షన్ సర్వసాధారణ సమస్య. తలపైన బ్యాక్టీరియల్, ఫంగల్ ఇన్ఫెక్షన్ ఏర్పడుతుంది. వర్షాకాలంలో నిజానికి జుట్టు ఎన్నోసార్లు నీళ్లతో తడిసిపోతుంది. దీంతో స్కాల్ప్ప బ్యాక్టీరియా, ఫంగస్ ఉత్పత్తి అవుతుంది. వెంట్రుకలు చిట్లిపోతుంటాయి, విరిగిపోతాయి.

డాండ్రఫ్: వర్షాకాలంలో పెరిగే : దుమ్ము ధూళి కారణంగా జుట్టులో పేను లేదా చుండ్రు ఏర్పడుతుంది. ఫలితంగా జుట్టు బలహీనంగా మారుతుంది. ఎక్కువగా రాలుతుంది. ఈ కాలంలో చుండ్రు సమస్య ఎక్కువ. దీనికి కారణమైన ఫంగస్ తేమతో కూడిన ఈ సీజన్లో మాత్రమే వృద్ధి చెందుతుంది.

దురద : మాన్సూన్ సీజన్లో జుట్టు, స్కాల్ప్ తడిగా ఉంటుంది. దీని కారణంగా జుట్టు జిడ్డుగా మారుతుంది. దురద మొదలవుతుంది. చుండ్రు, ఇన్ఫెక్షన్ కారణంగానూ స్కాల్లో దురద ఏర్పడుతుంది.

జుట్టు సంరక్షణ విషయంలో చేసే సాధారణ తప్పులు

ఆశ్మీన్ ముంజాల్ స్టార్ మేకప్ అకాడమీ ఎండీ ఎనీ ముంజాల్ వర్షాకాలంలో జుట్టు సంరక్షణ విషయంలో సాధారణంగా చేసే తప్పుల గురించి ఇలా వివరించారు.

వర్షం, తేమ నుంచి జుట్టును రక్షించుకోక పోవడం : వర్షపు నీరు జుట్టుకు చాలా హాని కలిగిస్తుంది. సాధారణంగా మనం వర్షంలో తడుస్తూ సరదాగా గడుపుతాం. కానీ దానర్థం మీరు జుట్టు సంబంధిత సమస్యలను ఆహ్వానిస్తున్నట్లే. కాబట్టి వర్షం పడుతున్నప్పుడు బయటకు వెళ్లాల్సి వస్తే తప్పనిసరిగా తలకు టోపీ పెట్టుకోవాలి, స్కార్ఫ్ వేసుకోవాలి లేదా గొడుగు ఉపయోగించాలి. దాంతో మీ జుట్టు తడవదు. చిక్కుపడదు.