సౌందర్య సలహాలు

సౌందర్య సలహాలు

నా చర్మం చాలా జిడ్డుగా ఉంటుంది.ఎండాకాలం మొదలు కాగానే నా ముఖంలో నల్లమచ్చలు, మొటిమలు మొదలయ్యాయి. ఇవి అలాగే ఉండిపోతాయేమోనని నాకు భయంగా ఉంది. ఏం చేయాలో చెప్పండి?

వేసవి కాలంలో చర్మం ఎక్కువ నూనెను ఉత్పత్తి చేస్తుంది. దుమ్ము, ధూళి కలిసి ముఖంపై బ్లాక్ హెడ్స్ ఏర్పడుతాయి. వాటిని తొలగించకపోతే ఇన్ఫెక్షన్ ఏర్పడి మొటిమలుగా మారతాయి.

ఇలా జరగకుండా ఉండాలంటే మీరు మీ ముఖాన్ని శుభ్రంగా ఉంచుకోవాలి. ఎక్నే లేకుండా కేవలం బ్లాక్ హెడ్స్ ఉంటే ముఖాన్ని ప్రతి రోజూ స్క్రబ్ చేయండి. క్రమంగా తగ్గిపోతాయి. యాక్టివ్ ఎక్నే ఏర్పడితే స్కిన్ టోనర్తో ముఖం శుభ్రం చేసుకోండి. జిడ్డు చర్మం కోసం ఇంట్లోనే స్కిన్ టోన్ తయారుచేసుకోవచ్చు.

వేప ఆకులను కడిగి నీళ్లలో వేసి ఉడికించి, మూడొంతులు ఆవిరైపోయాక మిగిలిన నీటిని వడగట్టి ఫ్రిజ్లో పెట్టుకోండి. దీన్ని బాటిల్లో నింపుకుని ముఖంపై స్ప్రే చేస్తూ ఉండండి. ఇది చాలా మంచి టోనర్. మీ చర్మాన్ని శుభ్ర పరుస్తుంది. ట్యాన్ చేస్తుంది. ఎక్నేలను తగ్గిస్తుంది.రోలింగ్ పిన్పై రెండు చుక్కల పాలు పోసి లవంగాలను రుద్దండి. యాక్టివ్ ఎక్నేలపై రోజుకి రెండు మూడుసార్లు అప్లై చేయండి. ఎక్నేలు తగ్గిపోతాయి.

స్వీట్లు తినడం తగ్గించండి. మీకు మామిడి పండు తినాలనిపిస్తే దాంతోపాటు కోల్డ్ లస్సీ తీసుకోండి. ఎండాకాలంలో మామిడి పండ్లు తింటే ఎక్నేలు పెరుగుతాయి. ఈ కాలంలో నీళ్లు బాగా తాగండి. నిమ్మరసం తీసుకుంటూ ఉండండి.