రాలే జుట్టును కాపాడుకోవడమెలా?

వెంట్రుకలు రాలే సమస్య మిమ్మల్ని వేధిస్తోందా? అయితే దీనికి మూల కారణాలు తెలుసుకుంటేనే సరైన పరిష్కారం పొందగల్గుతారు.

- -గరిమా పంకజ్

వ్య క్తికి తల మీద సగటున లక్షన్నర వరకు కేశాలు ఉంటాయి.'అమెరికన్ అకాడమీ ఆఫ్ డెర్మటాలజీ' ప్రకారం రోజుకి 50 నుంచి 100 వెంట్రుకలు రాలిపోవటం సాధారణమే. ఇంతకంటే ఎక్కువ రాలినా లేదా గుత్తులుగా ఊడినా హెయిర్ ఫాల్ సమస్య ఉందని భావించాలి. సమయానికి ఈ ట్రీట్మెంట్ తీసుకోకపోతే బట్టతలగా మారే ఈ ప్రమాదముంది.

సాధారణంగా మహిళల్లో బట్టతల తక్కువగా కనిపిస్తుంది. కానీ ఎక్కువ కాలం వరకు జుట్టు రాలుతున్నట్లయితే అందం తగ్గిపోతుంది. అందుకే ఈ లక్షణాలు కనపడగానే జాగ్రత్త వహించాలి.అధికంగా రాలుతున్నప్పుడు కారణాలను తెలుసుకోవాలి. నిజానికి ఈ సమస్య హెయిర్ కేర్ రొటీన్ సరిగ్గా లేకపోవటం, రాంగ్ డైట్, స్కాల్ప్ సంబంధమైన రోగాల వల్ల ఉత్పన్న మవుతుంది.మనసులో ఎలాంటి ఒత్తిడి ఉన్నా జుట్టు రాలుతుంది.

జుట్టు రాలే ప్రక్రియ

తల మీద వెంట్రుకలు నిదానంగా తగ్గటం : అతి సాధారణంగా కనపడే లక్షణం ఇదే. వయసు పెరుగుతున్న కొద్ది ఇది అధికమవుతుంది.పురుషుల్లో సాధారణంగా నుదుటిపై నుంచి వెంట్రుకలు రాలటం మొదలవుతుంది. కానీ మహిళల్లో తల నలువైపులా కేశాలు తగ్గుతుంటాయి.

గుండ్రటి మచ్చ మధ్య రాలటం: కొందరిలో మచ్చ లాంటి ప్రదేశం నుంచి కేశాలు రాలి పోతాయి. అంటే తల మీద ఒక ప్రాంతంలో నాణెం పరిమాణంలో మచ్చగా ఏర్పడి, అక్కడ వెంట్రుకలన్నీ తొలగిపోతుంటాయి.

టచ్ చేస్తే గుత్తులుగా ఊడటం: కొంత మందికి జుట్టుని పట్టుకోగానే కొన్ని వెంట్రుకలు గుత్తులుగా ఊడిపోతాయి. వీరికి బట్టతల వేగంగా వస్తుంది. కాకపోతే కొందరిలో త్వరగా ఇది నయం కూడా అవుతుంది. సాధారణంగా ఒక వ్యక్తి ఏదైనా సీరియస్, లాంగ్ టైమ్ శారీరక సమస్యల్ని కలిగి ఉన్నప్పుడు ఇది కనిపిస్తుంది.

శరీరంలో అంతటా రాలిపోవటం :

కొందరిలో శరీరంలో అన్ని భాగాల నుంచి వెంట్రు ' కలు రాలుతుంటాయి. ఇది ఒక్కోసారి హఠాత్తుగా కనిపిస్తుంది. కొన్ని మెడికల్ ట్రీట్మెంట్స్, కీమోథెరపీ వల్ల కూడా ఇలా వెంట్రుకలు రాలిపోతాయి.సాధారణంగా ఇవి కొంతకాలానికి మళ్లీ మొలు స్తాయి. ఎక్కడైనా ఏదైనా సమస్య ఉత్పన్న మైతే దాని వెనుక కారణం తప్పక ఉంటుంది. ఇలాగే కేశాలు రాలటానికి వెనుక ఉన్న అసలు కారణాన్ని పసిగట్టాలి. అవేమిటో ఇక్కడ వివరంగా తెలుసుకుందాం.