சினிமா மட்டுமே வாழ்க்கை இல்லை! -நிவேதா பெத்துராஜ்

கோவில்பட்டியில் பிறந்த நடிகை நிவேதா பெத்துராஜ், ஒருநாள் கூத்து படம் மூலம் கோலிவுட்டில் அறிமுகமானார். தொடர்ந்து படம் கிடைத்தாலும் இங்கு எதுவும் செட் ஆகாமல், டோலிவுட் சென்று விட்டார். இப்போது தெலுங்கு படங்களில் பிஸியாக நடித்துக் கொண்டிருக்கும் அவருடன் அழகான உரையாடல்

- தவா

சினிமாவில் உங்க எதிர்காலம் பற்றி?

சினிமா நான் நேசிக்கும் ஒரு துறை. இது மட்டுமே என்னோட வாழ்க்கை இல்ல. சென்னையில் என்னோட பிசினஸ் வேலைகள் தனியா போயிட்டு இருக்கு. என் வாழ்க்கை முழுக்க என்னோட சினிமா கெரியரைப் பற்றி யோசிச்சு கவலைப்படுற அந்த விஷயத்தை நான் எப்போவோ விட்டுட்டேன். நான் ரொம்பவே கூச்ச சுபாவம் உள்ள பொண்ணு. சினிமாவுக்காக போட்டோ ஷூட்கூட நான் அதிகம் பண்ணது கிடையாது. பெரிய படங்களில் ஹீரோயின் சான்ஸ் வேணும்'னு லாபி பண்ணது இல்ல. நான் அந்த டைப் கிடையாது. ஒரே நடிகர்கள் கூட பலமுறை சேர்ந்து நடிக்கவும் நான் தயங்கினது இல்ல. நேசிக்குற ஒரு விஷயத்தை விரும்பி செய்யுறேன் அவ்வளவு தான்.

என்ன பிசினஸ் பண்றீங்க?

சென்னையில் ஒரு ரெஸ்டாரண்ட் மற்றும் பிளவர் ஷாப் வச்சிருக்கேன். என் பெற்றோர் துபாயில் இருந்து இந்தியா வந்து செட்டில் ஆகப் போறாங்க. சோ, அவங்க என்னோட பிசினஸ் பார்த்துக்குவாங்க.