நான்ஸ்டிக் சமையல்...கவனம்!

மண்பாண்ட சமையல் என்பது பாரம்பரியம் மட்டுமல்ல, ஆரோக்கியமானதும் கூட.

- எஸ்‌.ரவீந்திரன்‌

மண்பாண்டத்தில் சமைக்கும் உணவானது ஊட்டச்சத்து க்களை இழக்காமல் அப்படியே அதன் தன்மையை முழுமையாக கொண்டிருக்கும்.

மேலும் அதில் சமைக்கும் உணவானது அதீத சுவை உள்ளதாகவும் மாறுகின்றன.

மண்‌ பானைகளில்‌ கால்சியம்‌, இரும்பு மற்றும்‌ மெக்னீசியம்‌ போன்ற தாது க்கள்‌ நிறைந்துள்ளன. மண்‌ பானையில்‌ தண்ணீர்‌ சேமிக்கப்படும்‌ போது அது இந்த தாதுக்களை உறிஞ்சு, நம்‌ உடலுக்குத்‌ தேவையான சத்துக்களை வழங்குகிறது.

மண்‌ பானைகள்‌ எண்ணெயைத்‌ தக்கவைத்து, உணவுக்கு ஈரப்பதத்தைத்‌ தருகின்றன, எனவே உணவை சுவையாக மாற்ற தேவையற்ற கொழுப்பைச்‌ சேர்க்க வேண்டாம்‌.

மெதுவாக சமைப்பதால்‌, மண்‌ பானைகள்‌ ஈரப்பதம்‌ மற்றும்‌ வெப்பத்தை உணவின்‌ மூலம்‌ பரவ அனுமதிக்கின்றன. இதனால்‌ ஊட்டச்சத்து அளவை தக்கவைத்துக்‌ கொள்ளும்‌. மண்‌ பானைகள்‌ இயற்கையில்‌ காரத்தன்மை கொண்டதாக இருப்பதால்‌, அது உணவில்‌ உள்ள அமிலத்தன்மையுடன்‌ தொடர்பு கொள்கிறது.

உணவுக்கு மட்டும்‌ நல்லது என்பதைக்‌ தாண்டி, மண்‌ பானைகள்‌ சுற்றுச்சூழலுக்கு மிகவும்‌ உகந்தது. எனவே, சமையலின்‌ போது மண்‌ பானைகளைப்‌ பயன்படுத்துவது மிகவும்‌ முக்கியம்‌ என பரிந்துரைக்கப்படுகிறது.

இப்படி பல்வேறு நன்மைகள்‌ கொண்ட இயற்கையை நாம்‌ புறக்கணிப்பது ஆரோக்கியத்துக்கும்‌ ஆயுளுக்கும்‌ கேடு என்பதை இப்போது மருத்துவ நிபுணர்கள்‌ வெளிக்கொணர்ந்துள்ளனர்‌.

அந்த வகையில்‌ நான்‌ ஸ்டிக்‌ பாத்திரங்கள்‌ பயன்படுத்துவதை நிறுத்த வேண்டும்‌ என இந்திய மருத்துவ ஆராய்ச்சி மையம்‌ எச்சரிக்கை விடுத்துள்ளது.

இன்று உலக அளவில்‌ நான்‌ ஸ்டிக்‌: பாத்திரங்கள்‌ இல்லாத சமையலறைகளே இருக்க முடியாது. ஏனெனில்‌ அவ்வகை பாத்திரங்கள்‌ அடிபிடிக்காது, விரைவில்‌ சமைத்து முடிக்கலாம்‌. குறைந்த எண்ணெய்‌ போதுமானது. கழுவவும்‌ வசதியானது என பல வகையான காரணங்களுக்காகவே இதை பயன்படுத்துகின்றனர்‌.

நான்ஸ்டிக்‌ பாத்திரங்களில்‌ இருக்கும்‌ வழவழப்புத்‌ தன்மைக்காக பாலி டெட்ரா புளோரோ எத்திலீன்‌ என்ற உடலுக்கு இங்கு விளைவிக்கக்‌ கூடிய ரசாயனம்‌ பயன்படுத்தப்படுகிறது என்ற குற்றச்சாட்டு எழுந்தது.