പൊരുതാം ഓട്ടിസത്തിനെതിരെ

ചെറിയ പ്രായത്തിൽ തന്നെ ഓട്ടിസമുണ്ടെന്നു തിരിച്ചറിയുകയാണ് ആദ്യനടപടി. തുടക്ക ത്തിലുള്ള തിരിച്ചറിവും കൃത്യസമയത്തുള്ള ഇടപെടലും ഏറെ ഗുണം ചെയ്യും

കുട്ടികളുടെ വളർച്ചയുടെ ആദ്യഘട്ടത്തിൽ രൂപപ്പെടുന്ന ഒരവസ്ഥയാണ് ഓട്ടിസം. ശരിയായ ആശയവിനിമയം, സാമൂഹിക ഇടപെടൽ എന്നിവയൊക്കെ ഓട്ടിസമുള്ളവരിൽ പ്രതികൂലമായി ബാധിക്കും. സ്വാഭാവികമായ തലച്ചോറിന്റെ പ്രവർത്തനത്തെ സാരമായി ഇത് ബാധിക്കും. കുട്ടികളിലെ ആശയവിനിമയ ശേഷിയെ ബാധിക്കുന്ന കുറവാണ് ഓട്ടിസമുള്ള കുട്ടികളിലെ പ്രധാന പ്രശ്നം. ഒറ്റ അവരുടേതായ ലോകത്തേക്ക് ഉൾ വലിയുന്നവരാണ് ഇവർ. ഇതൊരു നാഡീസംബന്ധമായ അസുഖമായും, ആശയവിനിമയത്തിൽ ഉണ്ടാകുന്ന വൈകല്യമായും കണക്കാക്കാം. പദസമ്പത്തിന്റെ കുറവ്, ആവർത്തിച്ചുള്ള ചേഷ്ടകളും ശീലങ്ങളും എന്നിവ ഓട്ടിസത്തിന്റെ ലക്ഷണങ്ങളിൽപ്പെടുന്നു. എന്നാൽ ഓട്ടിസം തിരിച്ചറിഞ്ഞ് കൃത്യസമയത്ത് വേണ്ട പരിശീലനം നൽകിയാൽ ഇവർക്കും ആശയവിനിമയ ശേഷി നേടിയെടുക്കാനാകും.

കുട്ടികളിൽ ആറ് വയസിനു മുൻപ് ഇത് തിരിച്ചറിയേണ്ടതുണ്ട്. അങ്ങനെ തിരിച്ചറിഞ്ഞ് ചികിത്സ ലഭ്യമാക്കുകയാണെങ്കിൽ സാധാരണ കുട്ടികളെ പോലെ ഇവർക്കും ആശയവിനിമയത്തിനു സാധിക്കും. ചെറിയ പ്രായത്തിൽ തന്നെ ഓട്ടിസമുണ്ടെന്നു തിരിച്ചറിയുകയാണ് ആദ്യനടപടി. തുടക്കത്തിലുള്ള തിരിച്ചറിവും കൃത്യസമയത്തുള്ള ഇടപെടലും ഏറെ ഗുണം ചെയ്യും.

ലക്ഷണങ്ങൾ

ആറ് മാസമായിട്ടും കുട്ടി ചിരിക്കുകയോ, സന്തോഷത്തോടെ പ്രതികരിക്കുകയോ ചെയ്യാതിരിക്കുക.

പേര് വിളിക്കുമ്പോൾ മനസിലാകാ തിരിക്കുക.

സംസാരിക്കുന്നതിലുള്ള വൈകല്യം.

സംസാരിച്ചു തുടങ്ങാൻ താമസം വരിക . മിതമായ സംസാരം.

ഉച്ചാരണത്തിൽ പല വാക്കുകളും വിട്ടുകളയുക.

വാക്കുകളുടെ അർത്ഥം ഉൾക്കൊള്ളാതെ വെറുതെ പറയുക.

വാക്കുകളോ, സംഭാഷണമോ അർത്ഥപൂർണമായിരിക്കില്ല.

ഇഷ്ടമുള്ള കാര്യങ്ങളിൽ ശ്രദ്ധകേന്ദ്രീകരിക്കുക.

മറ്റുള്ളവർ എന്തെങ്കിലും ചോദിച്ചാൽ ശ്രദ്ധിക്കാതിരിക്കുക.

സ്പർശിക്കുന്നത് എതിർക്കുക.

മറ്റുള്ളവർ നൽകുന്ന നിർദേശങ്ങൾ കൃത്യമായി അനുസരിച്ചെന്നു വരില്ല.

ഹൈപ്പർ ആക്ടീവ് ആകുക.

പലരും ശബ്ദത്തോട് സെൻസിറ്റീവ് ആയിരിക്കും. കുക്കർ, മിക്സി തുടങ്ങിയവയുടെ ശബ്ദം ഇവർക്ക് സഹിക്കാൻ പ്രയാസമായിരിക്കും.

സംസാരിക്കുമ്പോൾ പ്രത്യേക ശബ്ദത്തിൽ സംസാരിക്കുക.

 കോപം.

മറ്റുള്ളവരെ ഉപദ്രവിക്കുക, ബഹളം വയ്ക്കുക.

കാരണമില്ലാതെ കരയുക.

ശൂന്യതയിൽ നോക്കിയിരിക്കുക.

കാരണങ്ങൾ