തത്സമയം ശാലിനി

ജീവിതത്തോട് പോരാടി വിജയവഴിയിൽ വി.ജെ. ശാലിനി നായർ

- നിരഞ്ജന ഇന്ദു

ബിഗ്ബോസ് ഒരു വെളിച്ചമായി ജീവിതത്തിൽ

നാട്ടിൽ എല്ലാവരുടെയും കൂടെ തല ഉയർത്തിപ്പിടിച്ചു നടക്കാൻ ആഗ്രഹിച്ച ഒരു വ്യക്തിയായിരുന്നു ഞാൻ. പലപ്പോഴും പലയിടങ്ങളിൽ നിന്ന് ഓടി ഒളിക്കേണ്ട അവസ്ഥയിലൂടെ കടന്നുപോയിട്ടുണ്ട്. നമ്മളെക്കുറിച്ച് മറ്റുള്ളവർ എന്തെങ്കിലും പറയുമോ എന്ന ആശങ്കയും ആകുലതയും നിറഞ്ഞ സമയങ്ങൾ ഉണ്ടായിട്ടുണ്ട്. അങ്ങനെയൊരു അനുഭവം ഉണ്ടായത് കൊണ്ടാവാം പലയിടത്തുനിന്നും മാറി നിൽക്കാൻ എന്നെ പ്രേരിപ്പിച്ചത്. എന്റെ നാട്ടിൽ എന്റെ നാട്ടുകാർക്കൊപ്പം സമാധാനപരമായി നിൽക്കണമെന്ന് എന്റെ വർഷങ്ങളായുള്ള ആഗ്രഹമാണ് എന്ന ബിഗ്ബോസിൽ എത്തിച്ചത്. ഞാൻ എന്താണെന്ന് ഒരു പരിധിവരെ ഷോയിലൂടെ എന്റെ നാട്ടുകാരുമായി പങ്കുവയ്ക്കാൻ സാധിച്ചു. ഷോ കഴിഞ്ഞ് പുറത്തിറങ്ങിയ എനിക്ക് ഏറ്റവും വലിയ സന്തോഷം നാട്ടിൽ എനിക്ക് കിട്ടിയ സ്വീകാര്യത തന്നെയായിരുന്നു. അച്ഛനും അമ്മയ്ക്കും കുടുംബ ത്തിനും എല്ലാം ഈ ഷോ കൊണ്ടുണ്ടായ സന്തോഷം പറഞ്ഞറിയിക്കാവുന്നതിനപ്പുറമാണ്. സെലിബ്രിറ്റി ചാനലുകളുടെ, സെലിബ്രിറ്റി ഇന്റർവ്യൂകളുടെ ഭാഗമാവാൻ കഴിഞ്ഞു. എവിടെ പോയാലും മലയാളികൾ തിരിച്ചറിയാനും അവരുടെ സ്നേഹം ലഭിക്കാനും ഭാഗ്യം ലഭിച്ചു. വളരെ പോസിറ്റീവായ ഒരുപാട് മാറ്റങ്ങൾ ജീവിതത്തിൽ ഉണ്ടാകാൻ ബിഗ് ബോസ് എന്ന ഷോയ്ക്ക് കഴിഞ്ഞിട്ടുണ്ട്. കൊറോണ ശേഷം ജീവിതം വെളിച്ചമാക്കി തീർത്തത് ബിഗ് ബോസ് എന്ന ഷോ തന്നെയാണ്.

തത്സമയം ശാലിനി

 സോഷ്യൽ മീഡിയ ഫാമിലിക്കുവേണ്ടി ഞങ്ങളുടെ ചെറിയ വിശേഷങ്ങൾ പോലും പങ്കുവയ്ക്കാറുണ്ട്. അവരുടെ ചോദ്യങ്ങൾക്ക് മറുപടി പറയാറുണ്ട്. സന്ദേശം അയയ്ക്കുന്നവർക്ക് തിരിച്ചു റിപ്ലൈ കൊടുക്കാൻ ശ്രമിക്കാറുണ്ട്. അങ്ങനെയിരിക്കെയാണ് ഒരു യു ട്യൂബ് ചാനൽ തുടങ്ങിയാലോ എന്ന ചിന്ത വരുന്നത്. കരിയറിലേക്കുള്ള അടുത്ത സ്റ്റെപ്പെന്ന പോലെ തത്സമയം ശാലിനി' എന്ന പേരിൽ ഒരു യൂ ട്യൂബ് ലോഞ്ച് ചെയ്തു കഴിഞ്ഞു. ചാനൽ ഇതാണ് ഏറ്റവും പുതിയ വിശേഷം. എന്നെ സംബന്ധിച്ച് പുതിയൊരനുഭവവും തുടക്കവുമാണ്. സീറോ ബഡ്ജറ്റിലാണ് ചാനൽ തുടങ്ങിയിട്ടുള്ളത്. തത്സമയം ശാലിനിയുടെ ഇനിയുള്ള പുതിയ വിശേഷങ്ങൾ പങ്കുവയ്ക്കണം എന്നാണ് ആഗ്രഹിക്കുന്നത്. പ്രിയപ്പെട്ടവർ ഇപ്പോൾ നൽകുന്ന സ്നേഹവും പിന്തുണയും തത്സമയം ശാലിനിക്കും ഉണ്ടാകണം.

ശബ്ദം ആയുധമാക്കിയവൾ