ഇവിടെയുണ്ട് ഒരു സുന്ദരി മമ്മിയും മക്കളും

അനീറ്റ സെബാഷും കുടുംബവും

- അപ്പൂസ് കെ.എസ്.

പരസ്യങ്ങൾ കണ്ട് ഒരുപാട് വിദേശി ചെറുപ്പമുള്ള മമ്മികൾക്ക് നമ്മൾ കയ്യടിച്ചിട്ടുണ്ട്. അതുപോലെ ഇൻസ്റ്റഗ്രാമിൽ അടുത്തിടെ വൈറലായ മലയാളി മമ്മിയെയും സോഷ്യൽ മീഡിയ ഇരുകയ്യും നീട്ടി സ്വീകരിച്ചിരിക്കുകയാണ്. പാലാ സ്വദേശിയായ അനീറ്റ സെബാഷാണ് ഈ മമ്മി. നാലു മക്കളുമൊത്ത് അനീറ്റ് സോഷ്യൽ മീഡിയയിൽ പങ്കുവയ്ക്കുന്ന ഓരോ വീഡിയോയ്ക്കും ലക്ഷക്കണക്കിന് കാഴ്ചക്കാരെയാണ് ലഭിക്കുന്നത്. മക്കളുമൊത്ത് ആദ്യം പങ്കു വച്ച റീൽസ് 30 മില്യൺ കാഴ്ചക്കാരെ സ്വന്തമാക്കി. അനീറ്റയും മൂത്തമകൾ ഏയ്ഞ്ചലീനയും സോഷ്യൽ മീഡിയയിലെ മിന്നും താരങ്ങൾ ആയതിനെക്കുറിച്ചുള്ള പിന്നാമ്പുറ കഥകൾ പങ്കുവയ്ക്കുന്നു...

എല്ലാവരും ചോദിക്കുന്ന ചോദ്യമാണിത്. പക്ഷേ ചോദിക്കാതെ വയ്യ. എങ്ങനെയാണ് ഇപ്പോഴും ഈ ചെറുപ്പം നിലനിർത്തുന്നത്?

 അനീറ്റ: അങ്ങനെ പ്രത്യേകിച്ചൊന്നും ഇല്ല. മക്കളുടെ കൂടെ അവർക്കിഷ്ടമുള്ള കാര്യങ്ങൾ ചെയ്യാനും അവർക്കൊപ്പമുള്ള ഡാൻസും യാത്രകളും ഒക്കെ എനർജറ്റിക് ആയിരിക്കാൻ സഹായിക്കുന്നു.

പിന്നെ എന്റെ ഭർത്താവ് സെബാഷ്, ഞങ്ങൾ ഈ റീൽസൊക്കെ ചെയ്യുന്നതിന് വളരെ സപ്പോർട്ട് ആണ്. ഞങ്ങൾ ആക്ടീവായിരിക്കുന്നതാണ് അദ്ദേഹത്തിന് ഇഷ്ടം.

പ്രായം വെളിപ്പെടുത്താൻ ആഗ്രഹമുണ്ടോ?

അനീറ്റ ആഗ്രഹമൊന്നുമില്ല. എങ്കിലും പറയുന്നതിൽ ബുദ്ധിമുട്ടൊന്നുമില്ല. എനിക്ക് നാൽപ്പത് വയസ് കഴിഞ്ഞു.

മക്കൾക്കൊപ്പമുള്ള വൈറൽ ഡാൻസുകളുടെ പിന്നിലെ കഥകൾ? അനീറ്റ: ആദ്യമൊന്നും എനിക്ക് ഡാൻസ് കളിക്കാൻ കോൺഫിഡൻസ് ഇല്ലായിരുന്നു. പിന്നെ മക്കളെല്ലാവരുമാണ് നിർബന്ധിച്ചത്. ഒരു ദിവസം മകളാണ് ഇൻസ്റ്റഗ്രാമിൽ ഒരു ഫാമിലിയുടെ ഡാൻസ് വീഡിയോ എന്നെ കാണിക്കുന്നത്. ഇങ്ങനെ നമുക്കും ചെയ്താലോ എന്ന് ചോദിച്ചു. ആദ്യമൊന്നും ഞാൻ സമ്മതിച്ചില്ല. പിന്നീട് എല്ലാവരും കൂടി നിർബന്ധിച്ചപ്പോഴാണ് റീൽസുകൾ ചെയ്യാൻ തയ്യാറാകുന്നത്. അങ്ങനെ ഡാൻസ് ചെയ്തുതുടങ്ങി. മക്കൾ എല്ലാത്തിനും ഒരു പാട് സപ്പോർട്ട് ചെയ്തിട്ടുണ്ട്.