തളരാൻ തയ്യാറല്ലായിരുന്നു

ഞാൻ ഡാൻസ് അത് ട്രെയിനിംഗ് എടുത്തു വന്ന ആളൊന്നുമല്ല

- എസ്.എസ്

മലയാളികൾക്ക് ഏറെ പ്രിയപ്പെട്ട താര ദമ്പതിമാരാണ് ജോൺ ജേക്കബും. ധന്യമേരി വർഗ്ഗീസും ധന്യയും ജോണും ഒരേപോലെ കഴിവ് തെളിയിച്ച മേഖലകളാണ് അഭിനയവും ഡാൻസും ഒപ്പം ഫിറ്റ്നസും. ഇരുവരുടേതും ഒരു പ്രണയവിവാഹമായിരുന്നു. ബിഗ് ബോസ് മലയാളം സീസൺ നാലിൽ മത്സാർത്ഥിയായി ധന്യ എത്തിയിരുന്നു. മോഡലിംഗിലാണ് ധന്യ തന്റെ കരിയർ ആരംഭിക്കുന്നത്. പിന്നീട് സിനിമയിലേക്ക് അരങ്ങേറ്റം കുറിച്ചു. തലപ്പാവ്, കേരള കഫേ തുടങ്ങിയ ചിത്രങ്ങളിലെ മികച്ച പ്രകടനം ധന്യയെ ചെറിയ കാലത്തിനുള്ളിൽ തന്നെ പ്രിയങ്കരിയാക്കി. ദ്രോണ, വൈരം, പ്രണയം, റെഡ് ചില്ലീസ് തുടങ്ങിയ സിനിമകളിലെ ധന്യയുടെ അഭിനയം ഏറെ ശ്രദ്ധിക്കപ്പെട്ടിരുന്നു. അഭിനയത്തിലും ഡാൻസിലും വേറിട്ട ശൈലിയാണ് ജോൺ സ്വീകരിച്ചിട്ടുള്ളത്. മകൻ ജോഹാൻ ആണ് ധന്യയുടേയും ജോണിന്റേയും ജീവിതത്തിലെ ഏറ്റവും വലിയ സന്തോഷം. പുതിയ വിശേഷങ്ങളുമായി ധന്യയും ജോണും ചേരുമ്പോൾ...

പ്രണയവും ആദ്യകണ്ടുമുട്ടലും

 ധന്യ: ഒരു ഇന്റർവ്യൂവിന്റെ ഇടയിലാണ് ആദ്യമായി ഇച്ചായനെ ആദ്യം കാണുന്നത്. എന്റെ ചുറ്റുമുള്ള എല്ലാവർക്കും ജോണിനെക്കുറിച്ച് അന്ന് അറിയാമായിരുന്നു. എനിക്കൊഴികെ ആദ്യം കണ്ടപ്പോൾ തന്നെ ക്രഷൊന്നും തോന്നിയിരുന്നില്ല. നല്ലൊരു പയ്യൻ എന്ന ചിന്ത മനസ്സിൽ വന്നു, അത്രതന്നെ.

 ജോൺ: ധന്യയ്ക്ക് എന്നെ അറിയില്ലായിരുന്നു. എങ്കിലും ധന്യയുടെ ആരാധകനായിരുന്നു ഞാൻ. ധന്യ നായികയായിയെത്തിയ വൈരം ഉൾപ്പെടെയുള്ള ചിത്രങ്ങൾ കണ്ടിട്ടുണ്ട്. വിദേശത്ത് വെച്ചുള്ള ഒരു സ്റ്റേജ് ഷോയിലൂടെയാണ് ധന്യയെ ആദ്യമായി കാണുന്നത്. അന്നായിരുന്നു ഞങ്ങൾ മനസ്സ് തുറന്ന് സംസാരിക്കുന്ന രണ്ടു പേരും ഒരുമിച്ച് ഡാൻസും ചെയ്തു. കൊറിയോഗ്രാഫി എന്റേത് തന്നെയായിരുന്നു.

പ്രൊപ്പോസൽ സീൻ രണ്ടുപേരും ഇപ്പോൾ ഓർത്തെടുക്കുമ്പോൾ, ജോൺ; അന്ന് പ്രണയം പങ്കിട്ട ആ നിമിഷം ഞാനിപ്പോഴും ഓർക്കുന്നുണ്ട്. നമ്മൾ ഇനി എത്ര വർഷം ജീവിക്കുമായിരിക്കും. കൂടിപ്പോയാൽ 80 വയസ്സൊക്കെ തികക്കൂ. ഇനിയൊരു പതിനെണ്ണായിരം ദിവസം നമ്മൾ ജീവിച്ചാൽ തന്നെ അതിന്റെ പകുതിയും ഉറങ്ങിത്തീർക്കും. അതുകൊണ്ട് ഈ പതിനെണ്ണായിരം ദിവസം നമുക്ക് ഒരുമിച്ച് ജീവിച്ചാലോ എന്നാണ് ധന്യയോട് അന്ന് ഞാൻ ചോദിച്ചത്.