വെയിലിൽ ചർമം പൊള്ളരുതേ

ചർമത്തെ അസ്വസ്ഥപ്പെടുത്തുന്ന, ചുവപ്പും തടിപ്പും വരുത്തുന്ന സൺ ബേൺ വിട്ടിൽ പരിഹരിക്കാൻ

വേനൽചൂട് തുടങ്ങി. അൽപനേരം പുറത്തിറങ്ങി നിന്നാൽ പോലും ചർമം ചൂടുപിടി ക്കും. വേനൽ കടുക്കുന്തോറും ചർമത്തെ പൊള്ളിക്കുന്ന സൺബേൺ ഏൽക്കാനുള്ള സാധ്യതയും കൂടുതലാണ്. അധികസമയം വെയിലേൽക്കുന്നവരെയാണ് സൺബേൺ ബാധിക്കാറ്.

സൂര്യപ്രകാശത്തിലെ അൾട്രാവയലറ്റ് (യുവി) കിരണങ്ങൾ ചർമത്തെ ബാധിക്കുന്നതിനാലാണ് സൺബേൺ ഉണ്ടാകുന്നത്. ചർമത്തിൽ ചുവപ്പ്, വേദന, ചൊറിച്ചിൽ എന്നിവ അനുഭവപ്പെടാം. ഇതു സാധാരണയായി മൂന്നു മുതൽ ആറു ദിവസത്തിനുള്ളിൽ സുഖപ്പെടാം.

സൂര്യതാപത്തിന്റെ ലക്ഷണങ്ങൾ ഓരോ വ്യക്തിയിലും വ്യത്യസ്തമാണ്. ചിലപ്പോൾ ചർമത്തിൽ കുമിളകൾ രൂപപ്പെടാം. മറ്റു ചിലപ്പോൾ ക്ഷീണം, തലകറക്കം, തലവേ ദന, പേശിവലിവ്, ഓക്കാനവും ഛർദിയും, അസാധാരണമായ വിയർപ്പും ദാഹവും എന്നിങ്ങനെയുള്ള ലക്ഷണങ്ങളും ഉണ്ടാകാം.

പരിഹാരം വീട്ടിലുണ്ട്

സൂര്യതാപം പ്രതിരോധിക്കാനും ചികിത്സിക്കാനും ചില വീട്ടുവഴികളുണ്ട്. അവ പരിചയപ്പെടാം

ഐസ് ചൂടായ ചർമത്തിൽ ഐസ് ഉപയോഗിക്കുന്നത് വേദനയും നീരും കുറയ്ക്കാൻ സഹായിക്കും. ഐസ് ക്യൂബ്സ് തുണിയിൽ പൊതിഞ്ഞ് സൺ ബേൺ ഏറ്റ ഭാഗത്തു 5-10 മിനിറ്റ് വയ്ക്കുക. അര മണിക്കൂർ ഇടവിട്ട് ആവർത്തിക്കാം.

തണുത്ത വെള്ളം തണുത്ത വെള്ളത്തിൽ കുളിക്കുന്നത് ചർമത്തിലെ ചൂട് കുറയ്ക്കാനും ഉന്മേഷം ലഭിക്കാനും നല്ലതാണ്. ക്ലോറിനേറ്റ് ചെയ്ത നീന്തൽ പൂളുകൾ ഒഴിവാക്കുക. ക്ലോറിൻ വേദനയും ചൊറിച്ചിലും കൂട്ടും.

കറ്റാർവാഴ കറ്റാർവാഴ ജെൽ ചൂടും ചൊറിച്ചിലും കുറയ്ക്കുന്നതിനൊപ്പം സൺബേൺ ഏറ്റ ഭാഗം പെട്ടെന്നു സുഖപ്പെടാനും സഹായിക്കും.