ഡൽഹിക്കെതിരെ മുംബൈക്ക് 5 വിക്കറ്റ് ജയം

ജയിക്കണമെന്നുറച്ചാണ് മുംബൈ ഇന്ത്യൻസ് ക്രീസിലെത്തിയത്. മുട്ടിക്കളിക്കാനൊന്നും സമയമില്ല. 157 റൺസ് എത്രയും വേഗം അടിച്ചെടുക്കണം. ഐ പി എൽ കിരീടം ഉയർത്തണം. ഒരറ്റത്ത് രോഹിത് ശർമ ആഞ്ഞടിച്ചു. മറുപുറത്ത് ക്വിന്റൺ ഡികോക്കും. 5 ഓവറിൽ മുംബൈ 50 കടന്നപ്പോഴേ ഡൽഹിയുടെ ആത്മവിശ്വാസം ചോർന്നു. ആദ്യ ഓവറിൽത്തന്നെ കഗീസോ റബാദ നിലംപരിശായി. ശ്രേയസ് അയ്യറുടെ കണക്കുകൂട്ടൽ തെറ്റിയതും ഇവിടെത്തന്നെ.

ദുബായ്:

നോർക്കിയയും അശ്വിനും സ്റ്റോയിനിസുമെല്ലാം കണക്കിന് അടിവാങ്ങി. ഫലമോ, മുംബൈ സ്കോർബോർഡ് അതിവേഗം ചലിച്ചു. ഒടുവിൽ 8 പന്തുകൾ ബാക്കി നിൽക്കെ 5 വിക്കറ്റുകളുമായാണ് മുംബൈ ഇന്ത്യൻസ് രാജകീയമായി ജയിച്ചത്. നായകൻ രോഹിത് ശർമയുടെ ഉജ്ജ്വല ഇന്നിങ്സ് (50 പന്തിൽ 68) മുംബൈയ്ക്ക് അഞ്ചാം ഐപിഎൽ കിരീടം നേടിക്കൊടുത്തു.