കൊലമരച്ചുവട്ടിൽ നിന്ന് ബെക് കൃഷ്ണൻ വീടണഞ്ഞു

മാള (തൃശൂർ): കൊലമരച്ചുവട്ടിലേക്കെന്ന് ഉറപ്പിച്ചതായിരുന്നു. അവിടെ നിന്ന് സ്വന്തം വീടിൻറ പൂമുഖത്തെത്തിയപ്പോൾ ആശ്വാസത്തെക്കാൾ അവിശ്വസനീയതയാണ് ബക്സ് കൃഷ്ണന് തോന്നിയത്. അനിശ്ചിതത്വങ്ങൾ കടന്ന് 10 വർഷത്തിനു ശേഷം സ്വന്തം വീടിൻറ സുരക്ഷയിലേക്കെത്താൻ താണ്ടിയ യാതനകൾ ഒാർത്ത് അയാൾ വിങ്ങിപ്പൊട്ടി.

യു.എ.ഇയിൽ വധശിക്ഷ വിധിക്കപ്പെട്ട് ജയിലിൽ കഴിഞ്ഞിരുന്ന മാള പുത്തൻചിറ ചൊവട്ടായി സ്വദേശി ബെക്സ് കൃഷ്ണൻ ബുധനാഴ്ച പുലർച്ചയാണ് വീട്ടിലെത്തിയത്. വെളുപ്പിന് 1.45ന്റെ നെടുമ്പാശ്ശേരി വിമാനത്താവളത്തിൽ എത്തിയ അദ്ദേഹത്തെ സ്വീകരിക്കാൻ ഭാര്യ വീണയും മകൻ അശ്വതും ഉൾപ്പെടെ കുടുംബാംഗങ്ങൾ എത്തിയിരുന്നു. ഒപ്പം മാധ്യമപ്പടയും.